ITArmenia.NET » Բջջային կապ

Ընդմիշտ անվճար զանգեր 1 Orange համարի

AMzone — Wed, 04 Jan 2012 14:18:50 +0000

Ամանորն այսպիսին դեռ չի եղել. որովհետև միայն Orange-ի բաժանորդները կարող են ընտրել 1 սիրելի Orange համար և նրա հետ ընդմիշտ խոսել անվճար:

Առաջարկից կարող են օգտվել Orange Խոսենք և Ամեն ամիս բոլոր բաժանորդները: Պարզապես անհարժեշտ է մինչև փետրվարի 15-ը ուղարկել նախըտրած սիրելի համարը 2010 կարճ համարին և ամեն ամիս ստանալ 500 անվճար րոպե նրա հետ խոսելու համար: Առաջարկի շրջանակներում ունեցած անվճար րոպեները ստուգելու համար անհրաժեշտ է ուղարկել անվճար դատարկ հաղորդագրություն 2010 կարճ համարին:

Orange Խոսենք բաժանորդները, անվճար րոպեներ կստանան, եթե նրանց նախորդ ամսվա լիցքավորումների ընդհանուր գումարը լինի նվազագույնը 1000 դրամ: Նվազագույն լիցքավորման պայմանը չի գործում ակտիվացման առաջին ամսվա համար:

«Թեժ ձմեռ» Beeline բջջային կապի բաժանորդների համար

AMzone — Thu, 22 Dec 2011 17:18:40 +0000

«ԱրմենՏել» ընկերությունը (ապրանքանիշը` Beeline) հայտարարում է «Թեժ ձմեռ» ծառայության գործարկման մասին բջջային կապի այն բաժանորդների համար, ովքեր օգտվում են ռոումինգ ծառայությունից հետևյալ երկրներում` Վիետնամ, Եգիպտոս, Հնդկաստան, Հորդանան, Կամբոդժա, Մալազիա, Միացյալ Արաբական Էմիրություններ, Սիրիա, Թայլանդ, Թունիս և Թուրքիա: Ծառայությունը թույլ է տալիս վերոնշյալ երկրներում ռոումինգ ծառայությունից օգտվող բաժանորդներին ստանալ զանգեր 0 դրամ սակագնով խոսակցության առաջին երկու րոպեների դիմաց: Սկսած երորրդ րոպեից, մուտքային զանգի տարիֆիկացումն իրականցվում է սակագնային գուտուն համապատասխան:

«ԱրմենՏել»-ը հանդիսանում է միջազգային «ՎիմպելԿոմ» ընկերությունների խմբի մի մաս, որը միավորում է աշխարհի տասնիննը երկրների կապի օպերատորնեին: Դա թույլ է տալիս Հայաստանի կապի միասնական օպերատորին առաջարկել իր հաճախորդներին որակյալ և մատչելի ծառայություններ ոչ միայն երկրի ներսում, այլ նաև երկրի սահմաներից դուրս, մասնավորապես, եզակի հնարավորություն արտասահմանում անվճար ստանալ զանգեր», - նշեց «ԱրմենՏել» ընկերության Գլխավոր տնօրեն Իգոր Կլիմկոն:

«Թեժ ձմեռ» ծառայությունից կարող են օգտվել Beeline բջջային կապի բոլոր բաժանորդները` նախապես ակտիվացնելով ռոումինգ ծառայությունը: «Թեժ ձմեռ» ծառայությունն ակտիվացնելու համար անհրաժեշտ է բջջային հեռախոսից հավաքել *555# հրահանգը: Ծառայության ակտիվացման արժեքն է 3000 դրամ, այն ակտիվ է 7 օր: Ծառայության համար բաժանորդավճար չի գանձվում:

«Թեժ ձմեռ» ծառայության, ինչպես նաև ռոումինգում միջազգային զանգերի սակագների վերաբերյալ մանրամասն տեղեկատվություն կարելի է ստանալ www.beeline.am կայքում:

«ԱրմենՏել»-ն առաջարկում է «Ինտերնետ-փաթեթներ» և «SMS-փաթեթներ»` «Էքսկլյուզիվ լայն» շարքի կորպորատիվ սակագնային փաթեթների բաժանորդներին

AMzone — Fri, 16 Dec 2011 17:54:55 +0000

«ԱրմենՏել» ընկերությունը (ապրանքանիշը` Beeline) հայտարարում է «Էքսկլյուզիվ լայն» շարքի կորպորատիվ սակագնային փաթեթների բաժանորդների համար «Ինտերնետ-փաթեթներ» և «SMS-փաթեթներ» ծառայությունների գործարկման մասին: Ծառայությունները թույլ են տալիս ուղարկել/ստանալ տվյալների ծավալի և կարճ հաղորդագրությունների որոշակի քանակ ֆիքսված բաժանորդավճարի դիմաց և խնայել ավելի քան 80 տոկոս ինտերնետ-տրաֆիկի և ավելի քան 50 տոկոս SMS հաղորդագրությունների գծով:

Ակտիվացնելով «Ինտերնետ-փաթեթ 40» ծառայությունը հաճախորդը կստանա 40 ՄԲ ծավալ 800 դրամով, «Ինտերնետ-փաթեթ 100»` 100 ՄԲ 1600 դրամով, «Ինտերնետ-փաթեթ 240»` 240 ՄԲ 3000 դրամով և «Ինտերնետ-փաթեթ 440»` 440 ՄԲ 4000 դրամով: «SMS-փաթեթ 40», «SMS-փաթեթ 100», «SMS-փաթեթ 140» և «SMS-փաթեթ 240» ծառայությունների ակտիվացման դեպքում հաճախորդին տրամադրվում է դեպի Հայաստանի բջջային ցանցեր համապատասխան քանակի կարճ հաղորդագրություններ ուղարկելու հնարավորություն, համապատասխանաբար 600, 1200, 1600 և 2200 դրամով:

«Կորպորատիվ գործընկերների հանդեպ հոգատարությունը միշտ գտնվում է Հայաստանի միասնական օպերատոր` «ԱրմենՏել» ընկերության ուշադրության կենտրոնում: Հաշվի առնելով մեր հաճախորդների ցանկությունները, մենք առաջարկում ենք դարձնել գործարար հաղորդակցությունն ավելի հարմարավետ և մատչելի` տրամադրելով շարժական ինտերնետը և կարճ հաղորդագրությունները նոր, իջեցված սակագներով: Ծառայությունների փաթեթները թույլ են տալիս հաճախորդին ինքնուրույն կարգավորել սակագինը, ելնելով իր պահանջներից», - նշեց «ԱրմենՏել» ընկերության Գլխավոր տնօրեն Իգոր Կլիմկոն:

Բաժանորդը կարող է միաժամանակ օգտագործել և «Ինտերնետ-փաթեթները», և «SMS-փաթեթները»: Ծառայությունները կարելի է ակտիվացնել դիմելով Beeline վաճառքի և սպասարկման գրասենյակներ կամ Կորպորատիվ հաճախորդների ծառայություն: Ծառայությունն ակտիվացնելիս հաճախորդին տրամադրվում է փաթեթի ձեռք բերման օրվանից մինչև ամսվա վերջ ընկած ժամանակահատվածին համապատասխան ՄԲ-եր/SMS-ներ, իսկ յուրաքանչյուր հաջորդ ամսվա սկզբում ընտրած փաթեթն ակտիվանում է ավտոմատ կերպով: Չօգտագործված մեգաբայթերի ծավալի վերաբերյալ տեղեկություն ստանալու համար անհրաժեշտ է մուտքագրել 0674006 հրահանգը, իսկ չօգտագործված կարճ հաղորդագրությունների քանակի վերաբերյալ` 0674004: Ակտիվացված ինտերնետ կամ SMS փաթեթն ապաակտիվացնելու համար անհրաժեշտ է դիմել, Կորպորատիվ հաճախորդների ծառայություն կամ զանգահարել Հաճախորդների սպասարկման ծառայություն 0611 հեռախոսահամարով:

Մանրամասն տեղեկատվություն կարելի է ստանալ www.beeline.am կայքում կամ Beeline վաճառքի և սպասարկման գրասենյակում:

Նոր ՍՓ «Ազատ Շփում 2000». յուրաքանչյուր ամիս ավելի քան 30 ժամ խոսելաժամանակ 0 դրամով

AMzone — Thu, 08 Dec 2011 22:12:50 +0000

«ԱրմենՏել» ընկերությունը (ապրանքանիշը` Beeline) հայտարարում է «Ազատ Շփում 2000» կանխավճարային նոր սակագնային փաթեթի գործարկման մասին: Նշված սակագնային փաթեթի բաժանորդները յուրաքանչյուր ամիս լիցքավորելով հաշիվը 4500 դրամով կստանան 2000 րոպե խոսելաժամանակ Beeline բջջային ցանցում 0 դրամ/րոպե սակագնով: Լիցքավորված գումարը կարող է ծախսվել, բաժանորդի ցանկությամբ` բջջային կապի բոլոր ծառայությունների դիմաց:

«Հայաստանի կապի միասնական օպերատոր «ԱրմենՏել» ընկերությունը շարունակում է մնալ կապի ոլորտում նոր առաջարկների և ծառայությունների առաջատար: Ժամանակին բջջային կապի հայաստանյան շուկային մենք առաջինը ներկայացրեցինք անվճար րոպեների փաթեթ, իսկ այսօր բարելավում ենք այն և հերթական անգամ նվիրում մեր բաժանորդներին հարազատների և մտերիմների հետ շփվելու ավելի շատ ժամանակ», - նշեց «ԱրմենՏել» ընկերության Գլխավոր տնօրեն Իգոր Կլիմկոն:

Նոր սակագնային փաթեթի արժեքն է 500 դրամ: Անցումը դեպի «Ազատ Շփում 2000» ՍՓ բաց է: «Ազատ Շփում» սակագնային փաթեթից անցումն անվճար է, իսկ այլ սակագնային փաթեթներից` 300 դրամ: Առանց օրավարձի «Ազատ Շփում» սակագնային փաթեթի բաժանորդները նոր ՍՓ-ին անցնելու համար պետք է զանգահարեն 067408045 համարին: Մյուսները` 067408044 համարին: «Ազատ Շփում 2000» կանխավճարային սակագնային փաթեթին անցած բաժանորդներից գանձվում է համարը պահպանելու բաժանորդավճար` օրը 59 դրամ (բացառությամբ առանց օրավարձի «Ազատ Շփում» սակագնային փաթեթի բաժանորդների):

Մանրամասն տեղեկատվություն կարելի է ստանալ www.beeline.am կայքում կամ այցելելով ընկերության վաճառքի և սպասարկման գրասենյակներ:

«Զրո» ՍՓ. Լիցքավորի´ ր հաշիվդ 3000 դրամով և ստացի´ ր ներցանցային 700 րոպե և 150 SMS անվճար

AMzone — Mon, 05 Dec 2011 14:54:14 +0000

«ԱրմենՏել» ընկերությունը (ապրանքանիշը` Beeline) հայտարարում է նոր «Զրո» կանխավճարային սակագնային փաթեթի գործարկման մասին: Լիցքավորելով հաշիվը 3000 դրամով հաճախորդը կստանա 700 ներցանցային րոպե և 150 SMS 0 դրամ սակագնով հաջորդող 30 օրվա ընթացքում օգտագործելու համար:

«Beeline նոր սակագնային փաթեթն անվճար զանգերի և կարճ հաղորդագրությունների հնարավորությամբ մեր հաճախորդներին կընձեռի լրացուցիչ հնարավորություններ և թույլ կտա շփվել` չմտածելով րոպեների մասին: Մենք հետևողականորեն աշխատում ենք այն ուղղությամբ, որ միասնական օպերատորի սակագնային փաթեթների տեսականիում հաճախորդը մշտապես կարողանան ընտրել հենց այն փաթեթը, որն առավելապես համապատասխանում է նրա պահանջներին», - նշեց «ԱրմենՏել» ընկերության Գլխավոր տնօրեն Իգոր Կլիմկոն:

«Զրո» կանխավճարային սակագնային փաթեթում 700 անվճար րոպե օգտագործելուց հետո Beeline բջջային ցանցում ելքային զանգի 1 րոպեի արժեքը կազմում է 29,99 դրամ: Դեպի ԼՂՀ և ՀՀ բջջային և քաղաքային ցանցեր մեկ րոպեի արժեքը` 29,99 դրամ: Անվճար կարճ հաղորդագրություններն օգտագործելուց հետո Beeline ցանցում ուղարկած մեկ հաղորդագրության արժեքն է 9 դրամ:

«Զրո» ՍՓ բաժանորդներին հասանելի է «Beeline Բոնուս» ծրագիրը: Անցումը նշված սակագնային փաթեթին բաց է: Անցնելու համար անհրաժեշտ է զանգահարել 067408046 հեռախոսահամարին: Անցման գումարը կազմում է 300 դրամ, հեռախոսահամարը պահպանման օրական բաժանորդավճարը կազմում է 29,99 դրամ:

«Զրո» ՍՓ պայմանների վերաբերյալ մանրամասն տեղեկատվություն կարելի է ստանալ www.beeline.am կայքում:

«ԱրմենՏել» ընկերությունն իջեցնում է «SMS-փաթեթ» ծառայության գները

AMzone — Tue, 15 Nov 2011 14:17:30 +0000

«ԱրմենՏել» ՓԲԸ (ապրանքանիշը Beeline) հայտարարում է Beeline բջջային կապի կանխավճարային համակարգի բաժանորդների համար «SMS-փաթեթ» ծառայության գները նվազեցնելու մասին: Ծառայությունը հաճախորդներին հնարավորություն է տալիս կառավարել ծախսերը, ձեռք բերելով 50, 100 կամ 300 ներցանցային SMS փաթեթներ: Կախված ընտրված փաթեթից, նոր առաջարկում գները նվազեցված են մինչև 25 տոկոս: Այսպես, միացնելով «SMS-փաթեթ 50» ծառայությունը, հաճախորդը կստանա 50 SMS 450 դրամով, «SMS-փաթեթ 100»` 100 SMS 750 դրամով և «SMS-փաթեթ 300»` 300 SMS 1500 դրամով:

«Մենք շարունակում ենք առաջարկել հաճախորդներին զանազան հնարավորություններ կապի վրա ծախսվող գումարն օպտիմալացնելու համար: Նոր, ավելի գրավիչ սակագներով «SMS-փաթեթ» ծառայությունը թույլ կտա բաժանորդներին խնայել գումար, չնվազեցնալով շփումը», - նշեց «ԱրմենՏել» ՓԲԸ Գլխավոր տնօրեն Իգոր Կլիմկոն:

«SMS-փաթեթ» ծառայությունը կարելի է ակտիվացնել զանգահարելով 0674N հատուկ համարին, որտեղ «N» ձեռք բերվող հաղորդագրությունների քանակն է (50,100 կամ 300): Փաթեթի գործողության ժամկետը 30 օր է, սկսած ակտիվացման օրվանից: Ձեռք բերված SMS-ների կամ ծառայության գործողության ժամկետի սպառման դեպքում հաղորդագրությունների սակագինը հաշվարկվում է ըստ բաժանորդի սակագնային փաթեթի: Փաթեթի գործողության ժամկետը կարելի է երկարացնել` միացնելով լրացուցիչ փաթեթ, այս դեպքում չօգտագործված հաղորդագրությունները տեղափոխվում են նոր փաթեթ: Մանրամասն տեղեկատվություն չօգտագործված հաղորդագրությունների և SMS-հաշվեկշռի գործողության ժամկետի մասին կարելի է ստանալ զանգահարելով 0697 համարին կամ հավաքելով *106# հրահանգը:

«ԱրմենՏել»-ի շնորհիվ Հայաստանի քաղաքացիները կկարողանան անվճար զանգահարել Օմբուդսմենի գրասենյակ

AMzone — Wed, 02 Nov 2011 10:39:28 +0000

«ԱրմենՏել» ՓԲԸ (ապրանքանիշը Beeline) Հայաստանի Մարդու իրավունքների պաշտպանի գրասենյակին տրամադրեց 116 անվճար կարճ հեռախոսահամար` քաղաքացիներից զանգեր ընդունելու նպատակով: Գիտակցելով մարդու իրավունքների պաշտպանի ինստիտուտի արդյունավետ գործունեության կարևորությունը, ընկերությունը հոգալու է 116 կարճ հեռախոսահամարի տեղադրման և սպասարկման հետ կապված բոլոր ծախսերը: Այս համարին զանգահարելու դապքում «ԱրմենՏել» ընկերությունը գումար չի գանձելու Beeline ֆիքսված և շարժական կապի բաժանորդներից, իսկ Հայաստանի այլ օպերատորներից չի գանձվելու զանգերի վերջնավորման ծառայության վճարը:

«Մեր աջակցության շնորհիվ երկրի քաղաքացիները կկարողանան անվճար զանգահարել 116 հեռախոսահամարին և թողնել հաղորդագրություն կամ ստանալ անհրաժեշտ խորհրդատվություն մարդու իրավունքների պաշտպանության հարցերի վերաբերյալ: Հուսով ենք, որ Օմբուդսմենի և հասարակության ներկայացուցիչների միջև հաղորդակցման նոր եղանակը կնպաստի մարդու իրավունքների պաշտպանության արդյունավետության բարձրացմանը` հանուն Հայաստանի ապագայի», - նշեց «ԱրմենՏել» ՓԲԸ Գլխավոր տնօրեն Իգոր Կլիմկոն:

Նշենք, որ 116 հեռախոսահամարն Օմբուդսմենի գրասենյակին տրամադրվել է անվճար, առանց ամսեկան բաժանորդավճարի:

“Mix” հետվճարային սակագնային փաթեթ. զանգեր, SMS, MMS և GPRS-ինտերնետ շահավետ գներով մեկ փաթեթում

AMzone — Wed, 02 Nov 2011 10:29:23 +0000

Ընդառաջելով հաճախորդների բազմաթիվ առաջարկություններին, «ԱրմենՏել» ՓԲԸ (ապրանքանիշը Beeline) հայտարարում է զանգերի, հաղորդագրությունների և GPRS-ինտերնետի շահավետ գնով “Mix ” հետվճարային սակագնային փաթեթի գործարկման մասին: Սակագնային փաթեթի ներսում ելքային զանգի մեկ րոպեի, SMS կամ MMS հաղորդագրության, ինչպես նաև ուղարկած/ստացած տվյալների 1ՄԲ գինը կազմում է 4.99 դրամ:

«Հաշվի առնելով «Mix» կանխավճարային սակագնային փաթեթի աննախադեպ ժողովրդականությունը և հիմնվելով հաճախորդների ցանկությունների վրա, մենք գործարկում ենք հետվճարային «Mix» ՍՓ նույն գրավիչ սակագներով: Մենք առաջարկում ենք ապրանքներ, որոնք ունեն պահանջարկ մեր հաճախորդների, հատկապես երիտասարդության շրջանում, քանի որ հենց երիտասարդներն են ակտիվ օգտագործում հեռահաղորդակցության ծառայությունների բոլոր տեսակները”, - նշեց “ԱրմենՏել” ՓԲԸ Գլխավոր տնօրեն Իգոր Կլիմկոն:

Հետվճարային “Mix” ՍՓ ամսեկան բաժանորդավճարը կազմում է 500 դրամ: Դեպի Beeline բջջային ցանցի այլ սակագնային փաթեթներ զանգի մեկ րոպեի արժեքը կազմում է 3,99 դրամ, ՀՀ ֆիքսված ցանցեր, ինչպես նաև ՀՀ և ԼՂՀ բջջային այլ ցանցեր` 29,99 դրամ: Դեպի Beeline և տեղական այլ բջջային ցանցեր SMS և MMS հաղորդադրությունների սակագինը` 8,99 դրամ է:

“Mix” ՍՓ բաժանորդներին հասանելի են “Բալանսի փոխանցում” ծառայությունը և “Beeline Բոնուս” ծրագիրը:

“Mix” ՍՓ վերաբերյալ մանրամասներին կարելի է ծանոթանալ www.beeline.am կայքում:

Orange-ի բաժանորդները մինչև հոկտեմբերի 31-ը կստանան կրկնակի բոնուսային միավորներ միջազգային զանգերի համար

AMzone — Tue, 18 Oct 2011 08:21:24 +0000

Այսօր Orange-ը հայտարարեց հատուկ առաջարկի մասին նրանց համար, ովքեր կատարում կամ ստանում են միջազգային զանգեր: Մինչև հոկտեմբերի 31-ը կատարված և ստացված միջազգային զանգերի յուրաքանչյուր րոպեի համար Խոսենք և Ամեն ամիս ձայնային ծառայությունների բոլոր բաժանորդները կստանան 2 բոնուսային միավոր 1-ի փոխարեն:

Յուրաքանչյուր օր բաժանորդները կստանան այն բոնուսային միավորները, որոնք առաջացել են նախորդ օրվա ընթացքում կատարված և ստացված միջազգային զանգերից: Օրինակ` եթե բաժանորդը 1 օրվա ընթացքում կատարի կամ ստանա միջազգային զանգեր 20 րոպե ընդհանուր տևողությամբ, ապա անմիջապես հաջորդ օրը կստանա 40 բոնուսային միավոր:

Հայաստանում վաճառված SIM-քարտերից 680 հազարը չի օգտագործվում

AMzone — Thu, 13 Oct 2011 17:33:38 +0000

Հայաստանում ընդհանուր առմամբ վաճառվել է 4,2 մլն բջջային քարտ, սակայն դրանց զգալի մասը՝ 680 հազարը չի օգտագործվում: Այս մասին այսօր լրագրողների հետ հանդիպմանն ասաց ՀԾԿՀ անդամ Սամվել Արաբաջյանը:

Նա նաև տեղեկացրեց, որ հայկական բջջային օպերատորներին երեք ամսվա ընթացքում ՀԾԿՀ-ի կողմից կտրվի բջջային օգտագործողների քանակը հաշվառելու միատեսակ կարգ, քանի որ տարբեր ընկերություններ ունեն հաշվառման տարբեր մեթոդներ:

ՀԾԿՀ-ի մյուս որոշման համաձայն՝ օպերատորներն իրենց ընթացիկ ֆինանսական տվյալները բաց ու հասանելի պետք է տեղադրեն իրենց կայքերում, որպեսզի քաղաքացիները կարողանան ազատորեն ծանոթանալ դրանց:

Աղբյուր: PCNews.am