ITArmenia.NET » Ծրագրային ապահովում

Limbo խաղը կհայտնվի «Մաքինտոշների» վրա

AMzone — Sun, 25 Dec 2011 16:40:37 +0000

Վերջերս մեծ տարածում ստացած Limbo խաղը վերջապես հասավ նաև Apple համակարգիչներին, գրում է Playdead ստուդիան:

Խաղի օրիգինալ տարբերակը գրվել էր անցած տարվա հուլիսին՝ Xbox 360 խաղասարքերի համար, մեկ տարուց հայտնվեց դրա PS3-տարբերակը, իսկ օգոստոսին՝ սեղանի համակարգչի համար նախատեսված տարբերակը: Հաղորդվում է, որ դեկտեմբերի 21-ին խաղը նկատվել է Mac App Store-ում՝ $9,99 գնով:

Խաղը, որ իրականացված է «ստվերների թատրոնի» մոտիվներով, ուշադրություն է գրավում զարմանալի իրականացմամբ: Այնտեղ մենք ղեկավարում ենք անտառում արթնացած անանուն տղային, որի նպատակն է գտնել կորած քրոջը: Տղան շարունակ ընկնում է բազմապիսի թակարդների մեջ, նրա ճանապարհը դժվար է, անընդհատ սպառնում են հսկա սարդերը կամ ճահիճները, թակարդները կամ թունավոր նետերը: Դե իսկ վերջաբանն ընդհանրապես բացակայում է. ավելի ճիշտ՝ մնում է ինքնուրույն պատկերացնել և լրացնել տեսածը: Որոշները կարծում են, որ խաղում ցուցադրված է քավարանը, իսկ ոմանք էլ, որ Limbo-ն մարդկային ծերացման ալեգորիկ ներկայացումն է...

2010 թվականին անկախ խաղերի փառատոնում (IGF) խաղն արժանացավ «լավագույն տեսողական կատարում» և «լավագույն տեխնիկական իրականացում» կոչումներին:

Աղբյուր: PCNews.am

Google-ը թողարկել է Chrome 16-ը

AMzone — Wed, 14 Dec 2011 21:53:20 +0000

Ինտերնետ-հսկա Google-ը ներկայացրել է իր Chrome բրաուզերի 16-րդ տարբերակը:

Ինչպես հաղորդում է Lenta.ru-ն, հիմնական նորարարությունը ինտերնետ-օգտագործողների մի քանի աքաունթների աջակցությունն է: Օգտագործողներն այսուհետ կարող են Google-ի իրենց էջից տվյալները փոխանցել Chrome եւ սինխրոնիզացնել կարգավորումները: Chrome 16-ը հնարավորություն է տալիս մի քանի աքաունթներ միացնել իրար:

Նշենք, որ Google դրամական փոխհատուցում է խոստացել այն ինտերնետ-օգտագործողներին, ովքեր լուրջ թերություններ կգտնեն. այս անգամ վճարվել է 6 հազար դոլար:

Հիշեցնենք, որ շուրջ մեկ շաբաթ առաջ Accuvant Labs-ը Google Chrome-ը ճանաչել է ամենաանվտանգ բրաուզերը:

Աղբյուր: NEWS.am

Մեկնարկում էհամակարգչային խաղերի նախագծման Հայաստանի 2-րդ առաջնության հայտերի ընդունումը

AMzone — Wed, 09 Nov 2011 09:35:12 +0000

Ինֆորմացիոն Տեխնոլոգիաների Ձեռնարկությունների Միությունը (ԻՏՁՄ) և «OrangeԱրմենիա» ընկերությունը հայտարարում են Համակարգչային խաղերի նախագծման Հայաստանի 2-րդ առաջնության մեկնարկը: Առաջնության շրջանակում մասնակիցները պետք է ներկայացնեն իրենց կողմից նախագծված համակարգչային խաղերի դիզայնը, սցենարը և խաղերն ամբողջությամբ:

Առաջնության նպատակներն են զարգացնել համակարգչային խաղերի նախագծման ոլորտը Հայաստանում, աջակցել երիտասարդներին դրսևորվել խաղերի բիզնես ոլորտում:

Մասնակցել ցանկացողները կարող են հանդես գալ նախապես ձևավորված թիմով կամ որպես անհատ: Մրցույթը տարիքային սահմանափակում չունի: Գրանցման հայտերի վերջնաժամկետն է դեկտեմբերի 15-ը: Մրցույթին հայտ ներկայացնելու համար այցելել` www.digitec.am կայքի Համակարգչային խաղերի նախագծման բաց առաջնության էջը` http://digitec.am/gamecontest.php?id=209:

“ԱրմենՏել”-ը պարգևատրեց ESWC կիբեռխաղերի տարածաշրջանային առաջնության հաղթողներին

AMzone — Sat, 08 Oct 2011 08:59:02 +0000

«ԱրմենՏել» ՓԲԸ (ապրանքանիշը Beeline) Edge Gaming ընկերության հետ համատեղ հայտարարում է ESWC գավաթ ընտրական փուլի արդյունքների մասին: Beeline Cyber ազգային առաջնության ընտրական փուլը, որին մասնակցում էին ավելի քան 70 պրոֆեսիոնալ մարզիկներ FIFA 11, PES 2011, Call of Duty: ModernWarFare2, Counter-Strike 1.6 խաղային մարզաձևերում, կայացավ Երևանում սեպտեմբերի 24-ից հոկտեմբերի 2-ն ընկած ժամանակահատվածում:

Յուրաքանչյուր անվանակարգի հաղթողները ստացան դրամական պարգևներ, իսկ ՖԻՖԱ – 11 մարզաձևի հաղթողներ Կարեն Ծովինարովը, Լևոն Սաքեյանը և Արթուր Առաքելյանը հնարավորություն կունենան ներկայացնելու Հայաստանը ESWC-ի քառորդ եզրափակիչում, որն այս տարի կանցկացվի Ֆրանսիայում:

«Համակարգչային սպորտը ավելին է քան խաղը, և ավելին է քան պարզապես ժամանց անցկացնելը: Այստեղ ձևավովորվում է համախմբված թիմ, փոխըմբռվածություն և թիմային ոգի: Այդ իսկ պատճառով «ԱրմենՏել» ընկերությունը, որպես կապի միասնական օպերատոր, հանդես եկավ Հայաստանում կիբեռսպորտի մեծությամբ երկրորդ առաջնության նախաձեռնող: Մենք ուրախ ենք համակարգչային խաղերի սիրահարներին ընձեռել ևս մեկ հնարավորություն մրցակցելու միմյանց հետ իրենց երկրում, իսկ այս մրցույթի հաղթողներից մենք անկնլալում ենք հաղթանակ եվրոպական մրցաշարում”,- նշեց «ԱրմենՏել» ընկերության Գլխավոր տնօրեն Իգոր Կլիմկոն:

“ESWC ոճում կիբեռմրցաշարի ընտրական փուլի անցկացումը մեծ իրադարձություն է մեր երկրի խաղացողների համար: Հայ մարզիկների համար դա ոչ միայն լավ ժամանակ անցկացնելու հնարավորություն է, այլ յուրահատուկ մի մրցաշար, որը թույլ է տալիս հետագայում հանդես գալ համաշխարհային ասպարեզում: Մենք ուրախ ենք տեսնել նրենց խանդավառությունը և հետագայում նույնպես կաջակցենք նրանց”,-նշեց Edge Gaming ընկերության ներկայացուցիչ Անահիտ Գրիգորյանը:

Beeline Cyber ազգային առաջնության խաղային բոլոր անվանակարգերում առաջին տեղ գրավածները հրավիրվեցին ընկերություն` շրջայց կատարելու «ԱրմենՏել» ընկերության հաճախորդների սպասարկման կենտրոնում:

The Electronic Sports World Cup – համակարգչային խաղերի համաշխարհային հեղինակավոր առաջնություն է: Իր նշանակությամբ ESWC գավաթը զիջում է միայն WCG գավաթին: Մրցումներն անցկացվում են 2003 թվականից: 2011-ի հնգօրյա առաջնությունը կանցկացվի Փարիզի Դիսնեյլենդում: 6000 քմ ընդհանուր տարածք զբաղեցնող խաղային տաղավարում իրենց հմտությունները կցուցադրեն ավելի քան 600 մարզիկ: Առաջնության խաղերին այցելում են շուրջ 5000 հանդիսատես, իսկ միջոցառումը լուսաբանում են առաջատար ԶԼՄ-ների ավելի քան 500 թղթակից: 2010 թվականի ESWC առաջնության մրցանակային ֆոնդը կազմել է 213 500 ԱՄՆ դոլար:

Ինչպես գտնել գողացված բջջային հեռախոսը

AMzone — Wed, 05 Oct 2011 14:05:54 +0000

F-Secure ընկերությունը թողարկել է անվճար ծրագիր Symbian, Android և Windows Mobile պլատֆորմների համար, որը թույլ է տալիս հեռավորության վրա արգելափակել հեռախոսը, որոշել դրա գտնվելու վայրը, տեղեկացնել SIM քարտի փոփոխման մասին, իսկ ծայրահեղ դեպքում ջնջել Ձեր անձնական տվյալները և SMS-ները, որպեսզի դրանք չհայտնվեն օտար ձեռքերում:

Ծրագիրը բեռնում ենք այստեղից: Հեռախոսով բեռնելու համար անհրաշեշտ է Ձեր հեռախոսով բացել այս էջը` http://f-secure.mobi և սեղմել download Antitheft: Տեղադրելուց հետո կատարում ենք ծրագրի պարզ կարգավորումները:

Հեռախոսի կորստի դեպքում դուք կկարողանաք`

1. Արգելափակել հեռախոսը SMS-ի միջոցով` #lock#: your code-ի փոխարեն գրել Ձեր կողմից կարգավորումների ժամանակ դրված ծածկագիրը: Այդ դեպքում հեռախոսը կարգելափակվի այնքան ժամանակ, մինչև դուք չգրեք ապաարգելափակման ծածկագիրը:

2. Իմանալ հեռախոսի գտնվելու վայրի մասին հետևյալ SMS-ի միջոցով` #locate#

3. SIM քարտի փոփոխման դեպքում հեռախոսը արգելափակվում է և Ձեր կողմից սկզբնական կարգավորումների ժամանակ նշված համարին գալիս է ինֆորմացիա նոր SIM քարտի մասին: Այս ֆունկցիան աշխատում է ավտոմատ:

4. Այն դեպքում, երբ բոլոր վերը նշվածները չեն օգնում, և Դուք արդեն հույսներդ կորցրել եք որ կարող եք վերադարձնել Ձեր հեռախոսը, կարող եք ջնջել հեռախոսի ամբողջ ինֆորմացիան հետևյալ SMS-ով` #wipe#

Գրառել է Հովո Հովհաննիսյան

Աղբյուր: ITanalytic.blogspot.com

Mozilla Firefox 7

AMzone — Wed, 05 Oct 2011 13:37:49 +0000

Firefox-ի 6-րդ տարբերակի թողարկումից 6 շաբաթ անց թողարկվեց յոթերորդ տարբերակը, որի գլխավոր հատկանիշն է օպերատիվ հիշողության քիչ/խնայողաբար օգտագործումը:

Այն հիմա ավելի լավ է կարողանում աշխատել Java Script-ի հետ և շատ էջեր բացելիս չի ծանրաբեռնում համակարգիչը:

Mozilla-ի պաշտոնական բլոգը գրում է, որ նոր տարբերակն ապահովում է Azure Direct2D, որն ապահովում է HTML5-ի էջերի ավելի սահուն դիտում: Արագացված է նաև Firefox Sync-ը՝ գաղտնաբառերի ու էջանշումների սինխրոնիզացման ֆունկցիան:

Բեռնել կարող եք այստեղից:

Աղբյուր: ITanalytic.blogspot.com

Google Chrome-ը շուտով առաջ կանցնի Mozilla Firefox-ից

AMzone — Mon, 03 Oct 2011 16:52:47 +0000

Նոյեմբերին Google Chrome բրաուզերն իր օգտագործողների թվով առաջ կանցնի Mozilla Firefox-ից: Այս մասին ասված է StatCounter վիճակագրական գործակալության զեկույցում, որը նվիրված է բրաուզերների միջեւ պայքարի հետազոտմանը:

Ինչպես գրում է Vesti.ru-ն, նախորդ տարվա վերջին, StatCounter-ի տվյալներով, Chrome-ին բաժին է ընկնում ինտերնետ օգտագործողների 23,6 տոկոսը, Firefox-ին` 26,8 տոկոսը, իսկ Microsoft-ին` 41,7 տոկոսը:

2011-ի հունվարից ի վեր, Chrome-ը հավաքել է 8 տոկոս, իսկ Firefox-ը կորցրել է 3 տոկոս:

Եթե այս միտումը շարունակվի մինչեւ տարվա վերջ, նոյեմբերին Chrome-ի եւ Firefox-ի օգտագործողների թիվը կհավասարվի, իսկ դեկտեմբերին` Google-ը կգրավի երկրորդ տեղը: Այդ ժամանակ, Chrome-ը կստանա շուկայի 26,6 տոկոսը, իսկ Firefox-ը` 25,3 տոկոսը:

VLC Android ծրագրի շնորհիվ կարելի է ցանկացած ֆորմատի ֆիլմ դիտել սմարթֆոնով

AMzone — Tue, 27 Sep 2011 16:46:46 +0000

Android օպերացիոն համակարգով աշխատող յուրաքանչյուր սարք չունի ֆիլմ դիտելու ներկառուցված ծրագիր։ Միակ ներկառուցված ծրագիրը, որի միջոցով կարելի է տեսաֆայլեր դիտել, Gallery app-ն է, որը հիանալի է լուսանկարներ դիտելու համար, սակայն ոչ ֆիլմեր։

Android Market –ում կան տեաֆայլեր դիտելու մի շարք բազմազան ծրագրեր, սակայն ոչ բոլորն են, որ ցուցադրում են ցանկացած ֆորմատ։ Համակարգիչներով հեշտ է կատարել ֆորմատի փոխակերպում (կոնվերտացիա)։ Սակայն այսուհետ արդեն հեռախոսների մեջ էլ է հեշտացել այս գործընթացը՝ շնորհիվ VLC Android մեդիա փլեյերի։

VLC Android ծրագիրը դեռ գտնվում է բեթա (beta) կարգավիճակում։ Ներբեռնելու և ծրագիրը հեռախոսում աշխատացնելու համար միայն անհրաժեշտ է իմանալ, թե պրոցեսորի որ տեսակին է պատկանում ձեր հեռախոսը՝ NEON թե NONEON և ըստ այդ տվյալի ներբեռնել ծրագիրը։

Աղբյուր: PanARMENIAN.Net

“ԱրմենՏել”-ը շարունակում է աջակցել Հայաստանում կիբեռխաղերի զարգացմանը

AMzone — Fri, 23 Sep 2011 18:20:31 +0000

Edge Gaming ընկերությունը, «ԱրմենՏել» ՓԲԸ աջակցությամբ, հայտարարում են ESWC (Electronic Sports World Cup) կիբեռսպորտի միջազգային առաջնության ընտրական փուլի անցկացման մասին:

Մրցումները կանցկացվեն FIFA 11, PES 2011, Call of Duty: ModernWarFare2, Counter-Strike 1.6 խաղային մարզաձևերում. Առաջնությունն անցկացվում է 2 փուլով` սեպտեմբերի 24-25 Nexus համակարգչային ակումբում Pro evolution soccer 2011 և FIFA 11 ձևերով և հոկտեմբերի 1-2 Congress հյուրանոցում Counter-Strike և Call of Duty ձևերով. FIFA 11 խաղային մարզաձևում լավագույն 2 խաղացողներ կստանան գլխավոր մրցանակ` Ֆրանսիայում կայանալիք ESWC քարորդ եզրափակիչի ուղեգրեր:

Հայաստանում ESWC առաջնությանը մասնակցել ցանկացողները պետք է գրանցվեն www.edge.am կայքում:

«Մեր ընկերության համար կիբեռխաղերի առաջնություններին սատարելը` ևս մի հնարավորություն է աջակցելու հայ երիտասարդների բազմակողմանի զարգացմանը: Համակարգչային նոր տեխնոլոգիաների զարգացմամբ ի հայտ է գալիս շփվելու նոր մշակույթ, երիտասարդները հետաքրքրվում են տեխնիկական առաջընթացի արդիական միտումներով, և համակարգչային սպորտը` բացառություն չէ: Վստահ եմ, որ ինտերնետի տարածմանը զուգահեռ Հայաստանում կբարձրանա նաև կիբեռխաղերի հանդեպ հետաքրքրությունը, իսկ մեր երիտասարդները կզբաղեցնեն պատվավոր տեղեր համաշխարհային առաջնությունների հաղթողների շարքում», - նշեց «ԱրմենՏել» ընկերության Գլխավոր տնօրեն Իգոր Կլիմկոն:

«Հայ մարզիկների համար ESWC առաջնությանը մասնակցելը ոչ միայն հաճելի ժամանց է, այլև կիբեռսպորտի աշխարհում իրենց մասին հայտարարելու լավ հնարավորություն: Մենք ուրախ ենք համագործակցել “ԱրմենՏել” ընկերության հետ, որն այս տարի աջակցում է Հայաստանում համակարգչային խաղերի երկրորդ խոշոր առաջնությանը: Հուսով ենք, որ հայ երիտասարդներին դուր կգա մեր առաջնությունը», - նշեց Edge Gaming ընկերության տնօրեն Էդգար Սահակյանը:

Երևանում կանցկացվեն «Էլեկտրոնային սպորտի աշխարհի գավաթ 2011» մրցումների հայաստանյան որակավորումները

AMzone — Tue, 20 Sep 2011 08:25:17 +0000

Սեպտեմբերի 24-ին մեկնարկում են «Էլեկտրոնային սպորտի աշխարհի գավաթ 2011»մրցումների հայաստանյան որակավորումները։ Մրցումների նախաձեռնողն է «ԱրմենՏել» ընկերությունը EDGE gaming ընկերության համագործակցությամբ։EDGE gaming ընկերությունը, որը զբաղվում է խաղերի ասպարեզում մրցումների կազմակերպմամբ և իրականացմամբ, գնել է «Էլեկտրոնային սպորտի աշխարհի գավաթ 2011»-ի մասնակցության իրավունքը։

EDGE gaming ընկերության հանրային կապերի պատասխանատու Անահիտ Գրիգորյանը PanARMENIAN.Net ի թղթակցի հետ զրույցում տեղեկացրեց, որ մրցումների արդյունքում 2 լավագույն մասնակից կմեկնի Փարիզ՝ մասնակցելու աշխարհի գավաթին։

Հայաստանյան որակավորումների առաջին փուլը կանցկացվի սեպտեմբերի 24-25-ը «Նեքսուս» խաղային ակումբում, որի ընթացքում մասնակիցները կմրցեն FIFA 11, PES 2011 և Call Of Duty: MW2 մարզաձևերում։ Իսկ հոկտեմբերի 1-2ը,Կոնգրես հյուրանոցում կայացող 2-րդ փուլի ժամանակ, մասնակիցները կմրցեն Counter-Strike 1.6 մարզաձևում։

Մրցումներին մասնակցելու համար պարտադիր է գրանցվել EDGE gaming ընկերության կայքում և վճարել 5000 դրամ մասնակցության վճար։

Անահիտ Գրիգորյանի խոսքով՝ ակնկալվում է 120-150 մասնակից։ Ըստ նրա՝ մրցումների նկատմամբ հետաքրքրությունը մեծ է։ «Աշխարհի գավաթը միջազգային հեղինակավոր, եթե ոչ ամենահեղինակավոր մրցումն է։ Այն շատ սիրված և սպասված է խաղացողների կողմից։ Աշխարհի գավաթի մարզաձևերը 10-ն էին, որոնցից գավաթի ժամանակ մրցելու համար մենք ընտրել ենք FIFA-ն։ Այն Հայաստանում ամենասիրված խաղերից մեկն է»,- նշեց նա։

Աշխարհի գավաթին ներկայացվող մարզաձևերի մի մասը սպորտային սիմուլյատորներ են, մյուս մասը FPS (First Person Shooter) ժանրի։ Հայաստանյան որակավորման փուլերից առաջինի ժամանակ մրցակիցները կմրցեն PlayStation-ներով, իսկ 2-րդ փուլում սովորական համակարգիչներով։

Հայաստանյան որակավորումների մրցանակային ընդհանուր ֆոնդը կազմում է 3 միլիոն դրամ։

«Էլեկտրոնային սպորտի աշխարհի գավաթ»-ն առաջին անգամ անց է կացվել Ֆրանսիայում։ Իսկ 2003թ-ից մրցումներն անցկացվում են մեծ մասշտաբով։ Այս տարի մրցումներին մասնակցում է 50 երկիր։

Աղբյուր: PanARMENIAN.Net