ITArmenia.NET » Խաղեր

Limbo խաղը կհայտնվի «Մաքինտոշների» վրա

AMzone — Sun, 25 Dec 2011 16:40:37 +0000

Վերջերս մեծ տարածում ստացած Limbo խաղը վերջապես հասավ նաև Apple համակարգիչներին, գրում է Playdead ստուդիան:

Խաղի օրիգինալ տարբերակը գրվել էր անցած տարվա հուլիսին՝ Xbox 360 խաղասարքերի համար, մեկ տարուց հայտնվեց դրա PS3-տարբերակը, իսկ օգոստոսին՝ սեղանի համակարգչի համար նախատեսված տարբերակը: Հաղորդվում է, որ դեկտեմբերի 21-ին խաղը նկատվել է Mac App Store-ում՝ $9,99 գնով:

Խաղը, որ իրականացված է «ստվերների թատրոնի» մոտիվներով, ուշադրություն է գրավում զարմանալի իրականացմամբ: Այնտեղ մենք ղեկավարում ենք անտառում արթնացած անանուն տղային, որի նպատակն է գտնել կորած քրոջը: Տղան շարունակ ընկնում է բազմապիսի թակարդների մեջ, նրա ճանապարհը դժվար է, անընդհատ սպառնում են հսկա սարդերը կամ ճահիճները, թակարդները կամ թունավոր նետերը: Դե իսկ վերջաբանն ընդհանրապես բացակայում է. ավելի ճիշտ՝ մնում է ինքնուրույն պատկերացնել և լրացնել տեսածը: Որոշները կարծում են, որ խաղում ցուցադրված է քավարանը, իսկ ոմանք էլ, որ Limbo-ն մարդկային ծերացման ալեգորիկ ներկայացումն է...

2010 թվականին անկախ խաղերի փառատոնում (IGF) խաղն արժանացավ «լավագույն տեսողական կատարում» և «լավագույն տեխնիկական իրականացում» կոչումներին:

Աղբյուր: PCNews.am

Մեկնարկում էհամակարգչային խաղերի նախագծման Հայաստանի 2-րդ առաջնության հայտերի ընդունումը

AMzone — Wed, 09 Nov 2011 09:35:12 +0000

Ինֆորմացիոն Տեխնոլոգիաների Ձեռնարկությունների Միությունը (ԻՏՁՄ) և «OrangeԱրմենիա» ընկերությունը հայտարարում են Համակարգչային խաղերի նախագծման Հայաստանի 2-րդ առաջնության մեկնարկը: Առաջնության շրջանակում մասնակիցները պետք է ներկայացնեն իրենց կողմից նախագծված համակարգչային խաղերի դիզայնը, սցենարը և խաղերն ամբողջությամբ:

Առաջնության նպատակներն են զարգացնել համակարգչային խաղերի նախագծման ոլորտը Հայաստանում, աջակցել երիտասարդներին դրսևորվել խաղերի բիզնես ոլորտում:

Մասնակցել ցանկացողները կարող են հանդես գալ նախապես ձևավորված թիմով կամ որպես անհատ: Մրցույթը տարիքային սահմանափակում չունի: Գրանցման հայտերի վերջնաժամկետն է դեկտեմբերի 15-ը: Մրցույթին հայտ ներկայացնելու համար այցելել` www.digitec.am կայքի Համակարգչային խաղերի նախագծման բաց առաջնության էջը` http://digitec.am/gamecontest.php?id=209:

“ԱրմենՏել”-ը պարգևատրեց ESWC կիբեռխաղերի տարածաշրջանային առաջնության հաղթողներին

AMzone — Sat, 08 Oct 2011 08:59:02 +0000

«ԱրմենՏել» ՓԲԸ (ապրանքանիշը Beeline) Edge Gaming ընկերության հետ համատեղ հայտարարում է ESWC գավաթ ընտրական փուլի արդյունքների մասին: Beeline Cyber ազգային առաջնության ընտրական փուլը, որին մասնակցում էին ավելի քան 70 պրոֆեսիոնալ մարզիկներ FIFA 11, PES 2011, Call of Duty: ModernWarFare2, Counter-Strike 1.6 խաղային մարզաձևերում, կայացավ Երևանում սեպտեմբերի 24-ից հոկտեմբերի 2-ն ընկած ժամանակահատվածում:

Յուրաքանչյուր անվանակարգի հաղթողները ստացան դրամական պարգևներ, իսկ ՖԻՖԱ – 11 մարզաձևի հաղթողներ Կարեն Ծովինարովը, Լևոն Սաքեյանը և Արթուր Առաքելյանը հնարավորություն կունենան ներկայացնելու Հայաստանը ESWC-ի քառորդ եզրափակիչում, որն այս տարի կանցկացվի Ֆրանսիայում:

«Համակարգչային սպորտը ավելին է քան խաղը, և ավելին է քան պարզապես ժամանց անցկացնելը: Այստեղ ձևավովորվում է համախմբված թիմ, փոխըմբռվածություն և թիմային ոգի: Այդ իսկ պատճառով «ԱրմենՏել» ընկերությունը, որպես կապի միասնական օպերատոր, հանդես եկավ Հայաստանում կիբեռսպորտի մեծությամբ երկրորդ առաջնության նախաձեռնող: Մենք ուրախ ենք համակարգչային խաղերի սիրահարներին ընձեռել ևս մեկ հնարավորություն մրցակցելու միմյանց հետ իրենց երկրում, իսկ այս մրցույթի հաղթողներից մենք անկնլալում ենք հաղթանակ եվրոպական մրցաշարում”,- նշեց «ԱրմենՏել» ընկերության Գլխավոր տնօրեն Իգոր Կլիմկոն:

“ESWC ոճում կիբեռմրցաշարի ընտրական փուլի անցկացումը մեծ իրադարձություն է մեր երկրի խաղացողների համար: Հայ մարզիկների համար դա ոչ միայն լավ ժամանակ անցկացնելու հնարավորություն է, այլ յուրահատուկ մի մրցաշար, որը թույլ է տալիս հետագայում հանդես գալ համաշխարհային ասպարեզում: Մենք ուրախ ենք տեսնել նրենց խանդավառությունը և հետագայում նույնպես կաջակցենք նրանց”,-նշեց Edge Gaming ընկերության ներկայացուցիչ Անահիտ Գրիգորյանը:

Beeline Cyber ազգային առաջնության խաղային բոլոր անվանակարգերում առաջին տեղ գրավածները հրավիրվեցին ընկերություն` շրջայց կատարելու «ԱրմենՏել» ընկերության հաճախորդների սպասարկման կենտրոնում:

The Electronic Sports World Cup – համակարգչային խաղերի համաշխարհային հեղինակավոր առաջնություն է: Իր նշանակությամբ ESWC գավաթը զիջում է միայն WCG գավաթին: Մրցումներն անցկացվում են 2003 թվականից: 2011-ի հնգօրյա առաջնությունը կանցկացվի Փարիզի Դիսնեյլենդում: 6000 քմ ընդհանուր տարածք զբաղեցնող խաղային տաղավարում իրենց հմտությունները կցուցադրեն ավելի քան 600 մարզիկ: Առաջնության խաղերին այցելում են շուրջ 5000 հանդիսատես, իսկ միջոցառումը լուսաբանում են առաջատար ԶԼՄ-ների ավելի քան 500 թղթակից: 2010 թվականի ESWC առաջնության մրցանակային ֆոնդը կազմել է 213 500 ԱՄՆ դոլար:

“ԱրմենՏել”-ը շարունակում է աջակցել Հայաստանում կիբեռխաղերի զարգացմանը

AMzone — Fri, 23 Sep 2011 18:20:31 +0000

Edge Gaming ընկերությունը, «ԱրմենՏել» ՓԲԸ աջակցությամբ, հայտարարում են ESWC (Electronic Sports World Cup) կիբեռսպորտի միջազգային առաջնության ընտրական փուլի անցկացման մասին:

Մրցումները կանցկացվեն FIFA 11, PES 2011, Call of Duty: ModernWarFare2, Counter-Strike 1.6 խաղային մարզաձևերում. Առաջնությունն անցկացվում է 2 փուլով` սեպտեմբերի 24-25 Nexus համակարգչային ակումբում Pro evolution soccer 2011 և FIFA 11 ձևերով և հոկտեմբերի 1-2 Congress հյուրանոցում Counter-Strike և Call of Duty ձևերով. FIFA 11 խաղային մարզաձևում լավագույն 2 խաղացողներ կստանան գլխավոր մրցանակ` Ֆրանսիայում կայանալիք ESWC քարորդ եզրափակիչի ուղեգրեր:

Հայաստանում ESWC առաջնությանը մասնակցել ցանկացողները պետք է գրանցվեն www.edge.am կայքում:

«Մեր ընկերության համար կիբեռխաղերի առաջնություններին սատարելը` ևս մի հնարավորություն է աջակցելու հայ երիտասարդների բազմակողմանի զարգացմանը: Համակարգչային նոր տեխնոլոգիաների զարգացմամբ ի հայտ է գալիս շփվելու նոր մշակույթ, երիտասարդները հետաքրքրվում են տեխնիկական առաջընթացի արդիական միտումներով, և համակարգչային սպորտը` բացառություն չէ: Վստահ եմ, որ ինտերնետի տարածմանը զուգահեռ Հայաստանում կբարձրանա նաև կիբեռխաղերի հանդեպ հետաքրքրությունը, իսկ մեր երիտասարդները կզբաղեցնեն պատվավոր տեղեր համաշխարհային առաջնությունների հաղթողների շարքում», - նշեց «ԱրմենՏել» ընկերության Գլխավոր տնօրեն Իգոր Կլիմկոն:

«Հայ մարզիկների համար ESWC առաջնությանը մասնակցելը ոչ միայն հաճելի ժամանց է, այլև կիբեռսպորտի աշխարհում իրենց մասին հայտարարելու լավ հնարավորություն: Մենք ուրախ ենք համագործակցել “ԱրմենՏել” ընկերության հետ, որն այս տարի աջակցում է Հայաստանում համակարգչային խաղերի երկրորդ խոշոր առաջնությանը: Հուսով ենք, որ հայ երիտասարդներին դուր կգա մեր առաջնությունը», - նշեց Edge Gaming ընկերության տնօրեն Էդգար Սահակյանը:

Երևանում կանցկացվեն «Էլեկտրոնային սպորտի աշխարհի գավաթ 2011» մրցումների հայաստանյան որակավորումները

AMzone — Tue, 20 Sep 2011 08:25:17 +0000

Սեպտեմբերի 24-ին մեկնարկում են «Էլեկտրոնային սպորտի աշխարհի գավաթ 2011»մրցումների հայաստանյան որակավորումները։ Մրցումների նախաձեռնողն է «ԱրմենՏել» ընկերությունը EDGE gaming ընկերության համագործակցությամբ։EDGE gaming ընկերությունը, որը զբաղվում է խաղերի ասպարեզում մրցումների կազմակերպմամբ և իրականացմամբ, գնել է «Էլեկտրոնային սպորտի աշխարհի գավաթ 2011»-ի մասնակցության իրավունքը։

EDGE gaming ընկերության հանրային կապերի պատասխանատու Անահիտ Գրիգորյանը PanARMENIAN.Net ի թղթակցի հետ զրույցում տեղեկացրեց, որ մրցումների արդյունքում 2 լավագույն մասնակից կմեկնի Փարիզ՝ մասնակցելու աշխարհի գավաթին։

Հայաստանյան որակավորումների առաջին փուլը կանցկացվի սեպտեմբերի 24-25-ը «Նեքսուս» խաղային ակումբում, որի ընթացքում մասնակիցները կմրցեն FIFA 11, PES 2011 և Call Of Duty: MW2 մարզաձևերում։ Իսկ հոկտեմբերի 1-2ը,Կոնգրես հյուրանոցում կայացող 2-րդ փուլի ժամանակ, մասնակիցները կմրցեն Counter-Strike 1.6 մարզաձևում։

Մրցումներին մասնակցելու համար պարտադիր է գրանցվել EDGE gaming ընկերության կայքում և վճարել 5000 դրամ մասնակցության վճար։

Անահիտ Գրիգորյանի խոսքով՝ ակնկալվում է 120-150 մասնակից։ Ըստ նրա՝ մրցումների նկատմամբ հետաքրքրությունը մեծ է։ «Աշխարհի գավաթը միջազգային հեղինակավոր, եթե ոչ ամենահեղինակավոր մրցումն է։ Այն շատ սիրված և սպասված է խաղացողների կողմից։ Աշխարհի գավաթի մարզաձևերը 10-ն էին, որոնցից գավաթի ժամանակ մրցելու համար մենք ընտրել ենք FIFA-ն։ Այն Հայաստանում ամենասիրված խաղերից մեկն է»,- նշեց նա։

Աշխարհի գավաթին ներկայացվող մարզաձևերի մի մասը սպորտային սիմուլյատորներ են, մյուս մասը FPS (First Person Shooter) ժանրի։ Հայաստանյան որակավորման փուլերից առաջինի ժամանակ մրցակիցները կմրցեն PlayStation-ներով, իսկ 2-րդ փուլում սովորական համակարգիչներով։

Հայաստանյան որակավորումների մրցանակային ընդհանուր ֆոնդը կազմում է 3 միլիոն դրամ։

«Էլեկտրոնային սպորտի աշխարհի գավաթ»-ն առաջին անգամ անց է կացվել Ֆրանսիայում։ Իսկ 2003թ-ից մրցումներն անցկացվում են մեծ մասշտաբով։ Այս տարի մրցումներին մասնակցում է 50 երկիր։

Աղբյուր: PanARMENIAN.Net

Google+ սոց. ցանցում հայտնվել են խաղեր

AMzone — Sun, 14 Aug 2011 07:21:06 +0000

Google+ սոց. ցանց, որը իր գործունեությունը սկսել էր հունիսի վերջերից, արդեն համալրվել է խաղերով:

Այդ մասին իր բլոգում հայտնում է Google ընկերությունը:

Խաղերի առաջին չափաբաժինը իր մեջ ներառում է 15 խաղ, որոնցից են Bejeweled Blitz, судоку, Angry Birds, Dragon Age Legends եւ Poker:

Խաղերի կոճակը տեղադրված է վերևի մասում, գլխավոր էջի հարևանությամբ:

Խաղերը առայժմ հասանելի են սոց. ցանցի մասնակիցների մի մասին, Google ընկերությունը հավաստիացնում է, որ շուտով բոլոր օգտվողներին էլ հասանելի կլինի խաղերի բաժինը:

Տեղեկացնենք նաեւ, որ գործարկման 1,5 ամիսների ընթացքում Google+ սոց. ցանցում գրանցվել է 25 միլիոն օգտագործող, այդ ցուցանիշներով գերազանցելով Facebook, Twitter եւ MySpace -ին:

Ամփոփվեցին Կիբեռսպորտի Հայաստանի 5-րդ առաջնության արդյունքները

AMzone — Wed, 29 Jun 2011 15:22:53 +0000

“Սամսունգ Էլէկտրոնիքս” ընկերությունը, “ԱրմենՏել” ընկերությունը (ապրանքանիշը Beeline) և Հայաստանի Կիբեռսպորտի ազգային պրոֆեսիոնալ լիգան հայտարարում են Հայաստանի համակարգչային խաղերի 5-րդ բաց առաջնության հաղթողների պարգևատրման մասին: Պարգևատրման հանդիսավոր արարողությունը տեղի ունեցավ այսօր “ԱրմենՏել”-ի վարչական շենքում

Համակարգչային խաղերի Համաշխարհային առաջնության ծրագրում ներառված պաշտոնական մարզաձում հաղթեցին 27-ամյա տնտեսագետ Էդմոն Գրիգորյանը (FIFA 2011) և 24-ամյա ծրագրավորող Հայկ Հակոբյանը (StarCraft 2): Հայաստանի Կիբեռսպորտի ազգային պրոֆեսիոնալ լիգայի նախագահ Էդգար Սահակյանը և ՀՀ-ում “Սամսունգ Էլեկտրոնիքս”-ի ներկայացուցչության ղեկավար Անդրանիկ Շահբազյանը չեմպիոններին հանձնեցին ուղեգիր դեպի Պուսան (Հարավային Կորեա), որտեղ նրանք կներկայացնեն Հայաստանը կիբեռխաղերի Համաշխարհային մրցաշարում: Այդ մրցաշարին մասնակցելու իրավունք ստացան նաև երկրորդ և երրորդ տեղերը գրաված Լևոն Սաքեյանը, Մհեր Եղիազարյանը, Պավել Արամյանը և Բագրատ Դաբաղյանը: WCG Հայաստանի առաջնության թիմային և անհատական մարզաձևերի հաղթողները պարգևատրվեցին Samsung ընկերության արտադրության համակարգչային տեխնիկայով: “ԱրմենՏել” ընկերության հատուկ մրցանակի` նեթբուք և մեկ տարի անվճար Hi-Line ծառայության բաժանորդագրմանն արժանացավ WCG Հայաստանի առաջնության իգական սեռի միակ մասնակից` Օլգա Ֆեդորենկոն:

“Այսօր, երբ միասնական օպերատոր` “ԱրմենՏել” ընկերության ջանքերով երկրում ստեղծված են արագ և մատչելի ինտերնետի բոլոր նախադրյալները, մենք կարող ենք ուշադրություն դարձնել նաև Հայաստանում կիբեռսպորտի զարգացմանը: Մաղթում եմ մեր երիտասարդներին պատվով ներկայացնել երկիրը համակարգչային սպորտի աշխարհում կայանալիք խոշորագույն միջոցառմանը”, - նշեց “ԱրմենՏել” ՓԲԸ Գլխավոր տնօրեն Իգոր Կլիմկոն:

Հայաստանի Կիբեռսպորտի ազգային պրոֆեսիոնալ լիգայի կազմկոմիտեի տվյալներով, WCG Հայաստանի 2011 առաջնությանը մասնակցել է 150 երիտասարդ, որոնցից 36 տարբեր անվանակարգերում դարձել է մրցանակակիր: Համակարգչային խաղերի համաշխարհային հովանավորն է “Սամսունգ Էլէկտրոնիքս” ընկերությունը, իսկ Հայաստանի ազգային առաջնությանը` “ԱրմենՏել” ընկերությունը: Մրցաշարին համակարգիչները տրամադրել է Fine ընկերությունը:

Համակարգչային խաղերի Հայաստանի առաջնության մրցանակակիրների ցանկին, ինչպես նաև խաղերի ձայնագրություններին կարելի է ծանոթանալ Հայաստանի Կիբեռսպորտի ազգային պրոֆեսիոնալ լիգայի կայքում` www.wcg.am

Hi-Line-ի հաճախորդները կարող են ինտերնետում առավելագույն արագությամբ խաղալ Counter-Strike 1.6

AMzone — Thu, 23 Jun 2011 20:16:43 +0000

“ԱրմենՏել” ՓԲԸ-ն (ապրանքանիշը Beeline) համագործակցելով playgame.am ռեսուրսի հետ ներկայացրեց Հայաստանում առաջին արտոնագրված խաղային Ինտերնետ-սերվերը: Խաղային սերվերը հասանելի է www.playgame.am հասցեով, որի այցելուներին ներկայում հասանելի է Counter-Strike 1.6 (հեղինակ Valve Corporation) խաղի արտոնագրված տարբերակը: Սերվերի շնորհանդեսը տեղի ունեցավ Կիբեռխաղերի Հայաստանի 5-րդ բաց առաջնության շրջանակներում. Beeline տաղավարում այցելուներին առաջարկվում էր խաղալ օնլայն ռեժիմում:

“Օնլայն խաղերը մեծ ճանաչում են վայելում, և բնականաբար օգտվողներին ավելի հարմար է խաղալ տեղական արտոնագրված սերվերում: Դա օգնում է հասնել առավելագույն որակի, և խաղալիս բարձրացնում է սերվերի արձագանքելու արագությունն իրական ժամանակում: Մենք վստահ ենք, որ այս ծրագիրը թույլ կտա բավականին բարձրացնել ինտերնետ-հասանելիության որակական նկարագիրը` նպաստելով Հայաստանի ներսում տրաֆիկի կենտրոնացմանը”, - նշեց “ԱրմենՏել” ՓԲԸ Գլխավոր տնօրեն Իգոր Կլիմկոն:

Beeline ֆիքսված և բջջային ինտերնետի բոլոր օգտվողներին հասանելի է www.playgame.am ռեսուրսը: Իսկ Hi-Line ծառայությունից օգտվող բաժանորդները սերվերին դիմելիս կստանան առավելագույն արագություն` անկախ իրենց սակագնային փաթեթից: www.playgame.am կայքում

խաղալու համար բաժանորդին անհրաժեշտ է ձեռք բերել և տեղադրել համակարգչի վրա Counter-Strike 1.6 խաղի անհատական արտոնագրված տարբերակը:

Մոտ ապագայում PlayGame.am կայքի կողմից առաջարկվող խաղերի ցանկը կընդլայնվեն Counter-Strike Source, Need for Speed, Medal of Honor և այլ խաղերով:

Angry Birds Rio խաղի նոր թարմացում Carnival-ն արդեն հասանելի է

AMzone — Sat, 11 Jun 2011 11:38:50 +0000

Աշխարհով մեկ հայտնի Angry Birds խաղի ստեղծող Rovio ընկերությունը հայտարարել է, որ Angry Birds Rio-ի նոր թարմացումը, որը կոչվում է Carnival Upheaval արդեն կարելի է բեռնել Amazon Appstore-ից։ Այս մասին հայտնում է Angry Birds Blog-ը։

Carnival Upheaval-ը պարունակում է 15 մակարդակ և կարելի է գտնել թաքնված պապայա մրգեր։

Աղբյուր: PanARMENIAN.Net

The Hunter – Որսորդը

AMzone — Fri, 29 Apr 2011 10:47:14 +0000

The Hunter - խաղը իրականությանը մոտ ամենահայտնի և հաջողված որսորդական simulator-ն է: Այստեղ դուք գրեթե կզգաք այն զգացողությունները, որը որսորդը զգում է որսորդության ժամանակ: Հետապնդիր, դիրքավորվիր և կրակիր...:

Խաղը կարող էք բեռնել այստեղից:
Рекомендуем посетить сайт прогнозов на спорт:

Աղբյուր: http://itanalytic.blogspot.com/2011/04/hunter.html