ITArmenia.NET » Ծրագրեր

Google-ը թողարկել է Chrome 16-ը

AMzone — Wed, 14 Dec 2011 21:53:20 +0000

Ինտերնետ-հսկա Google-ը ներկայացրել է իր Chrome բրաուզերի 16-րդ տարբերակը:

Ինչպես հաղորդում է Lenta.ru-ն, հիմնական նորարարությունը ինտերնետ-օգտագործողների մի քանի աքաունթների աջակցությունն է: Օգտագործողներն այսուհետ կարող են Google-ի իրենց էջից տվյալները փոխանցել Chrome եւ սինխրոնիզացնել կարգավորումները: Chrome 16-ը հնարավորություն է տալիս մի քանի աքաունթներ միացնել իրար:

Նշենք, որ Google դրամական փոխհատուցում է խոստացել այն ինտերնետ-օգտագործողներին, ովքեր լուրջ թերություններ կգտնեն. այս անգամ վճարվել է 6 հազար դոլար:

Հիշեցնենք, որ շուրջ մեկ շաբաթ առաջ Accuvant Labs-ը Google Chrome-ը ճանաչել է ամենաանվտանգ բրաուզերը:

Աղբյուր: NEWS.am

Ինչպես գտնել գողացված բջջային հեռախոսը

AMzone — Wed, 05 Oct 2011 14:05:54 +0000

F-Secure ընկերությունը թողարկել է անվճար ծրագիր Symbian, Android և Windows Mobile պլատֆորմների համար, որը թույլ է տալիս հեռավորության վրա արգելափակել հեռախոսը, որոշել դրա գտնվելու վայրը, տեղեկացնել SIM քարտի փոփոխման մասին, իսկ ծայրահեղ դեպքում ջնջել Ձեր անձնական տվյալները և SMS-ները, որպեսզի դրանք չհայտնվեն օտար ձեռքերում:

Ծրագիրը բեռնում ենք այստեղից: Հեռախոսով բեռնելու համար անհրաշեշտ է Ձեր հեռախոսով բացել այս էջը` http://f-secure.mobi և սեղմել download Antitheft: Տեղադրելուց հետո կատարում ենք ծրագրի պարզ կարգավորումները:

Հեռախոսի կորստի դեպքում դուք կկարողանաք`

1. Արգելափակել հեռախոսը SMS-ի միջոցով` #lock#: your code-ի փոխարեն գրել Ձեր կողմից կարգավորումների ժամանակ դրված ծածկագիրը: Այդ դեպքում հեռախոսը կարգելափակվի այնքան ժամանակ, մինչև դուք չգրեք ապաարգելափակման ծածկագիրը:

2. Իմանալ հեռախոսի գտնվելու վայրի մասին հետևյալ SMS-ի միջոցով` #locate#

3. SIM քարտի փոփոխման դեպքում հեռախոսը արգելափակվում է և Ձեր կողմից սկզբնական կարգավորումների ժամանակ նշված համարին գալիս է ինֆորմացիա նոր SIM քարտի մասին: Այս ֆունկցիան աշխատում է ավտոմատ:

4. Այն դեպքում, երբ բոլոր վերը նշվածները չեն օգնում, և Դուք արդեն հույսներդ կորցրել եք որ կարող եք վերադարձնել Ձեր հեռախոսը, կարող եք ջնջել հեռախոսի ամբողջ ինֆորմացիան հետևյալ SMS-ով` #wipe#

Գրառել է Հովո Հովհաննիսյան

Աղբյուր: ITanalytic.blogspot.com

Mozilla Firefox 7

AMzone — Wed, 05 Oct 2011 13:37:49 +0000

Firefox-ի 6-րդ տարբերակի թողարկումից 6 շաբաթ անց թողարկվեց յոթերորդ տարբերակը, որի գլխավոր հատկանիշն է օպերատիվ հիշողության քիչ/խնայողաբար օգտագործումը:

Այն հիմա ավելի լավ է կարողանում աշխատել Java Script-ի հետ և շատ էջեր բացելիս չի ծանրաբեռնում համակարգիչը:

Mozilla-ի պաշտոնական բլոգը գրում է, որ նոր տարբերակն ապահովում է Azure Direct2D, որն ապահովում է HTML5-ի էջերի ավելի սահուն դիտում: Արագացված է նաև Firefox Sync-ը՝ գաղտնաբառերի ու էջանշումների սինխրոնիզացման ֆունկցիան:

Բեռնել կարող եք այստեղից:

Աղբյուր: ITanalytic.blogspot.com

Google Chrome-ը շուտով առաջ կանցնի Mozilla Firefox-ից

AMzone — Mon, 03 Oct 2011 16:52:47 +0000

Նոյեմբերին Google Chrome բրաուզերն իր օգտագործողների թվով առաջ կանցնի Mozilla Firefox-ից: Այս մասին ասված է StatCounter վիճակագրական գործակալության զեկույցում, որը նվիրված է բրաուզերների միջեւ պայքարի հետազոտմանը:

Ինչպես գրում է Vesti.ru-ն, նախորդ տարվա վերջին, StatCounter-ի տվյալներով, Chrome-ին բաժին է ընկնում ինտերնետ օգտագործողների 23,6 տոկոսը, Firefox-ին` 26,8 տոկոսը, իսկ Microsoft-ին` 41,7 տոկոսը:

2011-ի հունվարից ի վեր, Chrome-ը հավաքել է 8 տոկոս, իսկ Firefox-ը կորցրել է 3 տոկոս:

Եթե այս միտումը շարունակվի մինչեւ տարվա վերջ, նոյեմբերին Chrome-ի եւ Firefox-ի օգտագործողների թիվը կհավասարվի, իսկ դեկտեմբերին` Google-ը կգրավի երկրորդ տեղը: Այդ ժամանակ, Chrome-ը կստանա շուկայի 26,6 տոկոսը, իսկ Firefox-ը` 25,3 տոկոսը:

Skype-ը դարձավ 8 տարեկան

AMzone — Wed, 31 Aug 2011 10:18:42 +0000

Skype ծառայությունը, որը թույլ է տալիս ինտերնետով զանգեր ու տեսազանգեր կատարել, տոնում է իր 8-ամյակը:

8 տարի առաջ Skype-ի պաշտոնական կայքում առաջին անգամ հայտնվեց ծրագրի փորձնական տարբերակը, որը նախատեսված էր միայն համակարգիչների համար: Այժմ Skype-ը հասանելի է նաև բջջայիններին, պլանշետային համակարգիչներին:

2005-ին Skype-ը 2,6 միլիարդ դոլարով գնվեց eBay ընկերության կողմից, որին պատկանում է համանուն ինտերնետ-աճուրդը: Չորս տարի անց eBay-ը վերավաճառեց Skype-ի ակցիաների 70%-ը Silver Lake ընկերությունների խմբին: Իսկ մի քանի ամիս առաջ՝ մայիսին Skype-ը գնեց Microsoft ընկերությունը՝ վճարելով 8,5 միլիարդ դոլար:

Skype-ում գրանցվածների թիվն անցնում է 500 միլիոնը , իսկ ծառայության ամսական լսարանը կազմում է 170 միլիոն օգտագործող:

Աղբյուր: PCNews.am

Firefox դիտարկիչը կթողարկվի նաև պլանշետների համար

AMzone — Wed, 31 Aug 2011 09:39:15 +0000

Mozilla Foundation պատրաստվում է թողարկել Firefox դիտարկիչ պլանշետների համար, հիմնված Android 3.x Honeycomb օպերացիոն համակարգի վրա:

Այս մասին հաղորդում է Ian Barlow իր անձնական բլոգոմ:

Google Chrome-ը կունենա հայերեն սխալների ուղղման ծրագիր

AMzone — Tue, 30 Aug 2011 07:12:54 +0000

Մինչեւ սեպտեմբերի վերջ պատրաստ կլինի Google Chrome բրաուզերի համար հայերեն սխալների ուղղման (spell check) հավելումը: Այն հնարավոր կլինի ներբեռնել հենց բրաուզերի նախընտրությունների պատուհանից։ Այս մասին NEWS.am- Ինովացիայի թղթակցի հետ զրույցում ասաց ծրագրի հեղինակ Ալեքսեյ Չալաբյանը։ Նրա խոսքով՝ այդ հավելումը ստեղծելն իրենցից շատ ջանջեր չի պահանջի, քանի որ նման փորձառություն արդեն իսկ ունեն՝ ստեղծելով Firefox բրաուզերի համար հայերեն սխալների ուղղման ծրագիր:

«Նմանատիպ ծրագրեր մենք հիմնականում ստեղծում ենք կամավոր, եւ այսպիսի ծրագրեր ստեղծելու համար տարբեր մասնագետներ են պետք՝ ծրագրավորողներ, լեզվաբաններ, ովքեր ցանկություն կհայտնեն մեզ կամավոր օգնելու»,-ասաց Ա. Չալաբյանը՝ նշելով, որ եթե մասնագետ-կամավորների թիվն ավելանա, ապա իրենք հնարավորություն կունենան ավելի արագ նմանատիպ տարբեր ծրագրեր պատրաստել։

Ա. Չալաբյանի տեղեկացմամբ, Firefox բրաուզերի համար հայերեն սխալների ստուգման հավելումը մինչ օրս ներբեռնվել է 11693 անգամ, իսկ այն ակտիվ օգտագործողների թիվը մոտ 2000 է։ Այն կարելի է անվճար ներբեռնել ԱՅՍՏԵՂ։

Աղբյուր: NEWS.am

Opera Mini վեբ-բրաուզերն արդեն հնարավոր է օգտագործել հայերեն ինտերֆեյսով

AMzone — Tue, 09 Aug 2011 08:42:30 +0000

Opera Mini վեբ-բրաուզերի 4.3 և 6.1 java տարբերակների ինտերֆեյսն արդեն հասանելի է նաեւ հայերենով։ Այս մասին հաղորդվում է Opera Software ընկերության պաշտոնական կայքը, որտեղից եւ հնարավոր է ներբեռնել վեբ-բրաուզերի հայերեն տարբերակը։ Ընտրելով հեռախոսի համապատասխան մոդելը, այն կարող եք գտնել ԱՅՍՏԵՂ։

ԱՊՀ երկրների շարքում Opera Mini բրաուզերի օգտագործողների քանակով Հայաստանը առաջատարներից է համարվում։

Counter-strike-ը գործիք է դարձել հաքերների ձեռքին

AMzone — Tue, 09 Aug 2011 08:38:41 +0000

«Դոկտոր Վեբ» հակավիրուսային ընկերությունը նոր վնասաբեր ծրագիր է հայտնաբերել, որը տարածվում է վերջին տասնամյակի ամենահայտնի խաղերից մեկի` Counter-Strike-ի միջոցով:

Ընկերության մասնագետների տվյալներով, իրենց կողմից հայտնաբերված տրոյանը կարող է DDoS- հարձակումներ իրականացնել խաղային սերվերներին եւ VALVE սերվերների վրա: Սովորաբար Counter-Strike-ի սերվերի հետ կապվելու դեպքում հաճախորդ-ծրագիրը բաղադրիչներ է ներբեռնում, որոնք չկան հաճախորդի սարքում, սակայն օգտագործվում են խաղում:

Ինչպես գրում է NEWSru.com-ը, տվյալ դեպքում, համակարգչի էկրանին բացվում է բրաուզերի ստանդարտ էկրան, որն առաջարկում է քաշել երկու ֆայլ` svhost.exe եւ bot2.exe, նաեւ admin.cmd անունով ֆայլ: Նման վարքը ստանդարտ չէ Counter-Strike-ի համար:

Ներբեռնված ֆայլերը խաղացողին տեղափոխում են պրոքսի սերվերի վրա, որը Counter-Strike-ի սերվերի պատրանք է ստեղծում եւ տեղեկությունները փոխանցում է VALVE սերվերների վրա:

Նման դեպքերում խաղացողը նաեւ ստանում է չարագործների ստեղծած Win32.HLLW.HLProxy տրոյան վիրուսը: Վարակված համակարգիչների թիվն աճում է երկրաչափական պրոգրեսիայով:

Նշենք, որ այսօր Հայաստանում գործում է Counter-strike 1.6-ի երկու սերվեր:

Micronet.am CS 1.6 Server – IP: 91.103.27.3:27015

Playgame.am CS 1.6 Server – IP: Playgame.am:27015

Աղբյուր: NEWS.am

Ատամների արանքում մնացած սննդի մնացորդի դեմ պայքարում կօգնի Apple iPhone-ը

AMzone — Tue, 02 Aug 2011 08:34:01 +0000

Apple iPhone սմարթֆոնը նոր հավելված ունի` Toothpict-ը:

Տվյալ հավելվածը նախատեսված է, մասնավորապես, ուտելուց հետո ատամների արանքում մնացած սննդի մնացորդների դեմ պայքարի համար:

Toothpict-ն աշխատում է հետեւյալ կերպ. Գաջեթը միացնելուց հետո օգտագործողն այն ուղղում է իր ժպտացող դեմքի վրա, այնուհետեւ ստացված պատկերի մշակումից հետո ծրագիրը էկրանին հստակ հուշում է տալիս, թե կոնկրետ որ մասում է մնացել սննդի մնացորդը:

Աղբյուր: NEWS.am