ITArmenia.NET » Տեխնիկա

Գերմանիայի դատարանը ընդունել է, որ Samsung-ի պլանշետը iPad-ի հետ նմանություններ չունի

AMzone — Sun, 25 Dec 2011 16:07:23 +0000

Գերմանիայի դատարանը, որը վերանայում է Samsung և Apple դատական հայցը, լսումներից հետո հայտարարել է, որ Galaxy Tab 10.1N պլանշետի դիզայնը, որը հարավկորեական ընկերությունը թողարկել էր ամերիկացի մրցակցի կողմից iPad պլանշետի շնորհանդեսից հետո, կարողացել է իր դիզայնով բավականին տարբերվել iPad-ից: Սա նշանակում է, որ Apple-ը ամենայն հավանականությամբ չի կարողանա հասնել նրան, որ արգելք դնի Samsung-ի նոր պլանշետի վրա:

Ինչպես հայտնում է Bloomberg-ը, Galaxy Tab 10.1N-ը Galaxy Tab 10.1 պլանշետի ձևափոխված տարբերակն է, որի վաճառքը Գերմանիայի տարածքում արգելվել էր` կապված Apple-ի ներկայացրած հայցի հետ, որում նա հարավկորեական ընկերությանը մեղադրում էր iPhone սմարթֆոնների և iPad պլանշետների տեխնոլոգիաների դիզայնի կրկնօրինակման մեջ:

Դատավոր Յոհան Բրյուկներ-Հոֆմանի խոսքերով, Samsung-ին հաջողվել է իր ապրանքն ազատել iPad-ի կրկնօրինակի պիտակից:

Աղբյուր: 1in.am

2012թ. վաճառքի կհանվեն 25 դոլարանոց համակարգիչներ

AMzone — Sun, 25 Dec 2011 16:04:22 +0000

Raspberry Pi Foundation բարեգործական հիմնադրամը սկսել է 25 դոլար արժողությամբ համակարգիչների փորձարկումը: Այս մասին հաղորդում է հիմնադրամի պաշտոնական բլոգը:

Եթե փորձարկումը հաջող անցնի, կսկսվի սարքի մշտական արտադրություն: Դրանք հնարավոր կլինի գնել 2012թ. հունվարից: Համակարգիչների մի մասը աճուրդի կհանվի:

Համակարգիչը հասանելի կլինի 25 և 35 դոլարով: Դրանք միմյանցից տարբերվում են USB-պորտերի քանակով (1 կամ 2), Ethernet միակցիչի առկայությամբ (առավել էժան տարբերակ այն չունի) և օպերատիվ հիշողությամբ (128 կամ 256 մեգաբայթ): Համակարգչի նախատիպը ներկայացվել էր մայիսին:

Երկու մոդելներն էլ օգտագործում են ARM պրոցեսոր 700 մեգահերց հաճախականությամբ, իսկ որպես կրիչ օգտագործվում են SD ֆորմատի հիշողության քարտեր:

Raspberry Pi-ն աշխատում է Linux կամ RISC OS օպերացիոն համակարգով: Այն ունի Iceweasel դիտարկիչ և Koffice փաթեթ: Համակարգիչը նախատեսվում է առաջին հերթին օգտագործել դպրոցներում՝ երեխաներին ծրագրավորում սովորեցնելիս:

Raspberry Pi Foundation հիմնադրամը ստեղծվել է 2009թ.:

Աղբյուր: 1in.am

Թողարկվել է աշխարհի գերարագ եւ ամենատարողունակ flash-կուտակիչը

AMzone — Sun, 20 Nov 2011 22:02:09 +0000

Flash-կուտակիչներ մշակող ամերիկյան Kingston Technology ընկերությունը ներկայացրել է նոր` DataTraveler HyperX 3.0 flash-կուտակիչը` 64 Gb, 128 Gb եւ 256 Gb ծավալով:

Ինչպես փոխանցում է 3Dnews-ը, 256 Gb հիշողությամբ DataTraveler HyperX 3.0 –ը մշակողների կողմից ներկայացվում է որպես ներկայումս գոյություն ունեցող կուտակիչներից ամենատարողունակն ու գերարագը:

Այն կարող է տվյալներ ձայնագրել մինչեւ 225/135 Mb/sec արագությամբ եւ կարող է աշխատել 0-ից +60 С ջերմաստիճանում:

Նշվում է, որ DataTraveler HyperX 3.0 –ի երաշխիքային ժամկետը 5 տարի է:

Աղբյուր: NEWS.am

Orange-ը ներկայացրեց iPhone 4S-ը Հայաստանում

AMzone — Tue, 15 Nov 2011 14:27:45 +0000

Այսօր Orange-ը ներկայացրեց iPhone 4S-ը Հայաստանում: iPhone 4S 16ԳԲ մոդելը կարելի է ձեռք բերել ամսական բաժանորդագրությամբ սկսած 180,000 դրամից, iPhone 4S 32ԳԲ մոդելը` սկսած 240,000 դրամից և iPhone 4S 64ԳԲ մոդելը` սկսած 290,000 դրամից Orange-ի վաճառքի կետերում կամ առցանց` eshop.orangearmenia.am վեբ կայքի միջոցով: Orange-ը նաև առաջարկում է iPhone 4 8ԳԲ մոդելը` սկսած 130,000 դրամից և iPhone 3GS 8ԳԲ մոդելը` սկսած 80,000 դրամից:

«Մենք ուրախ ենք մեկնարկել նոր iPhone 4S-ի վաճառքը Հայաստանում այս խորհրդանշական օրը եվրապական մի շարք երկրների հետ միաժամանակ և առաջինը ԱՊՀ տարածքում` լինելով Apple ընկերության միակ պաշտոնական ներկայացուցիչը iPhone-ի համար Հայաստանում: Այս նոր ֆանտաստիկ սարքը մեր հաճախորդները կկարողանան այն ձեռք բերել հիանալի սակագնային պլանների և լրացուցիչ թրաֆիկի հետ փաթեթով: Երջանիկ ենք, որ կարող ենք մեր հաճախորդներին առաջարկել այն, ինչ նրանք մեզնից իսկապես ակնկալում էին», ասաց Orange Արմենիա ընկերության Գլխավոր տնօրեն Բրունո Դյութուան:

iPhone 4S-ի մասին բոլոր մանրամասները կարող եք գտնել հետևյալ հղումով.http://orangearmenia.am/iphone/ :

Ճապոնական սուպերհամակարգիչը գերազանցել է վայրկյանում հաշվարկների արագության իր իսկ ռեկորդը

AMzone — Wed, 02 Nov 2011 20:02:18 +0000

Ճապոնական Riken պետական գիտահետազոտական ինստիտուտի «K» սուպերհամակարգիչը, որը ստեղծվել է Fujitsu-ի մասնակցությամբ, գերազանցել է արագագործության իր իսկ ռեկորդը: Այն հասել է 10,51 պետաֆլոպս վայրկյանում:

Ինչպես հաղորդում է «ԻՏԱՌ-ՏԱՍՍ»-ը, համակարգիչը զբաղեցնում է 864 շինություն եւ կազմված է 88 հազար պրոցեսորներից:

Նշենք, որ նախորդ համաշխարհային ռեկորդը (8,16 պետաֆլոպս) նույնպես պատկանում է «K» համակարգչին:

Աղբյուր: NEWS.am

Google-ը և Samsung-ը պաշտոնապես ներկայացրեցին «գուգլոֆոնը» (տեսանյութ)

AMzone — Wed, 19 Oct 2011 18:25:43 +0000

Google-ը և Samsung–ը հոկտեմբերի 19–ին Հոնգկոնգում կայացած շնորհանդեսում ներկայացրել են Galaxy Nexus սմարթֆոնը, որն աշխատում է Android Ice Cream Sandwich գործառնական համակարգի հիման վրա, հայտնում է CNet News–ը։

Galaxy Nexus–ն աշխատում է 1,2 գիգահերց հաճախականություն ունեցող Cortex A9 երկմիջուկ պրոցեսորով և համալրված է 4,65 դյույմանոց և 1280x720 փիքսել կետայնությամբ Super AMOLED էկրանով, երկու ֆոտոխցիկներով (5 և 1,3 մեգափիքսել), 1 գբ օպերատիվ հիշողությամբ և տվյալների պահպանման 32 գիգաբայթանոց կրիչով։ Galaxy Nexus–ը կշռում է 135 գ, ունի 8,94 մմ հաստություն։

Android–ի նոր տարբերակը նախորդներից տարբերվում է նրանով, որ կարող է օգտագործվել ինչպես սմարթֆոններում, այնպես էլ՝ պլանշետային համակարգիչներում։

Նոր սմարթֆոնում Ice Cream Sandwich–ը թույլ է տալիս արգելաբացել էկրանը դեմքեր ճանաչելու տեխնոլոգիայի միջոցով, ինչպես նաև ներառում է Android Beam կոչվող NFC–ծառայությունը (Near Field Communication-մոտակա դաշտի հաղորդակցություն), որի միջոցով մեկ սեղմումով երկու «գուգլոֆոններ» կարող են փոխանակել տեսահոլովակներ և ծրագրային հավելվածներ։

Galaxy Nexus–ը նոյեմբերի սկզբին կսկի վաճառվել ԱՄՆ–ում, Եվրոպայում և ասիական երկրներում։ Սարքի գինն առայժմ չի հրապարակվել։

Motorola-ն հրապարակեց իր նոր սմարթֆոնի լուսանկարները

AMzone — Wed, 19 Oct 2011 18:21:19 +0000

Ամերիկյան Motorola ընկերությունը հրապարակել է իր նոր սմարթֆոնի` Droid RAZR-ի լուսանկարները, որի պաշտոնական շնորհանդեսը տեղի կունենա այսօր երեկոյան։

Դատելով լուսանկարներից, որոնք տարածել է ընկերությունը, սարքը իրենից ներկայացնելու է գերբարակ մոնոբլոկ։ Դիմացի վահանակի նեքևի հատվածում` էկրանի տակ, կա չորս սենսորային կոճակ։ Այն ունենալու է երկու տեսախցիկ` առջևի և հետևի մասում, ընդ որում, վերջինը հնարավորություն ունի վիդեո տեսագրել HD ֆորմատով։ Droid RAZR-ը կաշխատի չորրորդ սերնդի ցանցերում:

Ինչպես Motorola-ի մյուս սարքավորումները, Droid RAZR-ը կօգտագործվի Android օպերացիոն համակարգով։

Սմարթֆոնը ԱՄՆ-ու կվաճառվի հեռախոսային օպերատոր Verizon-ի հետ պայմանագրով։ Երբ կսկսիվի հեռախոսի արտահանումը, դեռ հայտնի չէ։

Աղբյուր: Tert.am

Nokia-ն թողարկում է Symbian Belle համակարգով աշխատող նոր սմարթֆոն՝ Nokia 603-ը

AMzone — Thu, 13 Oct 2011 17:24:38 +0000

Ֆիննական Nokia ընկերությոնը ներկայացրել է իր նոր սմարթֆոնը՝ Nokia 603-ը, որն աշխատելու է Nokia-ի Symbian Belle օպերացիոն համակարգով և ունի 3,5 դյույմ էկրան, հայտնում է Nokia-ի պաշտոնական բլոգը։

Symbian Belle –ի ինտերֆեյսը ժամանակակից է, որն առաջարկում է 6 աշխատանքային սեղան։ Սմարթֆոնը հագեցած է 1 GHz պրոցեսորով և 7 ժամ խոսելաժամանակով։ Այն կշռում է 106.9 գրամ, ունի Bluetooth 3.0, WiFi ցանցին միանալու հնարավորություն և առաջարկում է մինչև 16 միլիոն գունային գամմա։

Nokia 603-ն ունի ետևի 5 մեգապիքսել ֆոտոխցիկ թվային zoom-ում։ Այն հանդիսանում է Nokia-ի արտադրած 7-րդ հեռախոսը, որն ունի NFC տեխնոլոգիա (near-field communications)։ Հեռախոսը թողարկվելու է սև և սպիտակ, սակայն ունենալու է նաև 6 գույնի ալտերնատիվ պատյաններ։

Հեռախոսը նախատեսվում է վաճառքի հանել 2011-ի 4-րդ եռամսյակում և ենթադրվում է, որ այն կարժենա մոտ 200 եվրո։

Աղբյուր: PanARMENIAN.Net

Այն, ինչ չէր լինի Ջոբսի օրոք. նոր iPhone-ի ցուցադրությունից հետո Apple-ի բաժնետոմսերի գինն ընկել է(տեսանյութ)

AMzone — Wed, 05 Oct 2011 13:18:21 +0000

Կենցաղային էլեկտրոնիկայի և համակարգչային տեխնիկայի ամերիկյան արտադրողի` Apple-ի բաժնետոմսերի գինը երկար սպասված նոր սմարթֆոնի շնորհանդեսից անմիջապես հետո նվազել է գրեթե 5%-ով:

Վերլուծաբանները կարծում են, որ գնանկումը պայմանավորված է Apple-ի երկրպագուների և ներդրողների հիասթափությամբ, որոնք նոր մոդելից սպասում էին ավելի ռադիկալ փոփոխություններ:

Հակառակ սպասելիքների` հասարակությանը ցուցադրվեց ոչ թե բոլորովին նոր iPhone 5, այլ ընդամենը iPhone 4S-ը` նախորդի արդիականացված տարբերակը:

Սակայն, որոշ ժամանակ անց, գները կրկին բարձրացան` վերականգնելով կորստի մեծ մասը:

Նոր մոդելի շնորհանդեսն առաջինն էր, որն իրականացրեց նոր գործադիր տնօրեն Թիմ Կուկը: Հիշեցնենք, որ Apple-ի հիմնադիր Սթիվ Ջոբսը գործադիր տնօրենի լիազորությունները վայր էր դրել այս ամառ հիվանդության պատճառով: Այս մասին հաղորդում է AP գործակալությունը:

Աղբյուր: Tert.am

Հաքերները կարող են հեռակա պայթեցնել Apple նոութբուքների մարտկոցը

AMzone — Tue, 26 Jul 2011 08:27:27 +0000

Անվտանգության մասնագետ Չարլի Միլլերը հայտնաբերել է մի խոցելիություն, որը թույլ է տալիս փոխել Apple նոութբուքների մարտկոցի համար պատասխանատու միկրոկարգավորչի կարգավորումները: Փորձագետը պնդում է, որ հաքերներն անհրաժեշտության դեպքում կարող են շարքից հանել մարտկոցն ու պայթեցնել այն:

Խոսքը MacBook, MacBook Pro և MacBook Air նոութբուքների մասին է: Միլլերի խոսքով՝ մարտկոցները համալրված են չիպերով, որոնք ղեկավարում են լիցքավորումը նույնիսկ այն ժամանակ, երբ նոութբուքը անջատված վիճակում է: էլեկտրաշարժիչի աշխատանքը կարգավորող սարքը «գիտի»` երբ դադարեցնել լիցքավորումը, ինչպես նաև այն կարգավորում է մարտկոցի ջերմաստիճանը, գրում է Forbes-ը:

2009թ. մարտին Apple-ը թողարկեց ծրագրային թարմացում, որը թույլ էր տալիս երկարեցնել MacBook նոութբուքի մարտկոցի ավտոնոմ աշխատանքի ժամանակը: Այդ թարմացումը իրականում կոնտրոլլերի կարգավորումները փոխող ծրագիր էր:

Ուսումնասիրելով այդ ծրագիրը՝ Միլլերը հայտնաբերել է, որ չիպում օգտագործված են շատ թույլ անվտանգության մեխանիզմներ: Իսկ եթե հաքերը կարողանա կոտրել դրանք, կարող է փոխել կարգավորումները, ինչը կհանգեցնի գերտաքացման ու պայթյունի:

Միլլերն ինքն արդեն շարքից հանել է յոթ մարտկոց, որոնք այլևս հնարավոր չէ օգտագործել:

Միլլերն առաջինը չէ հայտնաբերել նման խնդիր. դեռևս 2009-ին նման հետազոտություն էր անցկացրել McAfee ընկերության աշխատակից Բերնաբի Ջեքը (Barnaby Jack):

Միլլերը չի հայտնում, թե ինչպես է կարողացել թափանցել մարտկոցային համակարգի միկրոկարգավորչի մեջ: Ավելի մանրամասն ինֆորմացիա մասնագետը խոստացել է ներկայացնել Black Hat կոնֆերանսին, որը կկայանա ս.թ. օգոստոսին:

Չարլի Միլլերն, ով նախկինում աշխատել է ԱՄՆ Ազգային անվտանգության գործակալությունում, այժմ Accuvant ընկերության հետազոտողներից է:

Աղբյուր: PCNews.am