ITArmenia.NET » Բջջ. Հեռախոսներ

Orange-ը ներկայացրեց iPhone 4S-ը Հայաստանում

AMzone — Tue, 15 Nov 2011 14:27:45 +0000

Այսօր Orange-ը ներկայացրեց iPhone 4S-ը Հայաստանում: iPhone 4S 16ԳԲ մոդելը կարելի է ձեռք բերել ամսական բաժանորդագրությամբ սկսած 180,000 դրամից, iPhone 4S 32ԳԲ մոդելը` սկսած 240,000 դրամից և iPhone 4S 64ԳԲ մոդելը` սկսած 290,000 դրամից Orange-ի վաճառքի կետերում կամ առցանց` eshop.orangearmenia.am վեբ կայքի միջոցով: Orange-ը նաև առաջարկում է iPhone 4 8ԳԲ մոդելը` սկսած 130,000 դրամից և iPhone 3GS 8ԳԲ մոդելը` սկսած 80,000 դրամից:

«Մենք ուրախ ենք մեկնարկել նոր iPhone 4S-ի վաճառքը Հայաստանում այս խորհրդանշական օրը եվրապական մի շարք երկրների հետ միաժամանակ և առաջինը ԱՊՀ տարածքում` լինելով Apple ընկերության միակ պաշտոնական ներկայացուցիչը iPhone-ի համար Հայաստանում: Այս նոր ֆանտաստիկ սարքը մեր հաճախորդները կկարողանան այն ձեռք բերել հիանալի սակագնային պլանների և լրացուցիչ թրաֆիկի հետ փաթեթով: Երջանիկ ենք, որ կարող ենք մեր հաճախորդներին առաջարկել այն, ինչ նրանք մեզնից իսկապես ակնկալում էին», ասաց Orange Արմենիա ընկերության Գլխավոր տնօրեն Բրունո Դյութուան:

iPhone 4S-ի մասին բոլոր մանրամասները կարող եք գտնել հետևյալ հղումով.http://orangearmenia.am/iphone/ :

Motorola-ն հրապարակեց իր նոր սմարթֆոնի լուսանկարները

AMzone — Wed, 19 Oct 2011 18:21:19 +0000

Ամերիկյան Motorola ընկերությունը հրապարակել է իր նոր սմարթֆոնի` Droid RAZR-ի լուսանկարները, որի պաշտոնական շնորհանդեսը տեղի կունենա այսօր երեկոյան։

Դատելով լուսանկարներից, որոնք տարածել է ընկերությունը, սարքը իրենից ներկայացնելու է գերբարակ մոնոբլոկ։ Դիմացի վահանակի նեքևի հատվածում` էկրանի տակ, կա չորս սենսորային կոճակ։ Այն ունենալու է երկու տեսախցիկ` առջևի և հետևի մասում, ընդ որում, վերջինը հնարավորություն ունի վիդեո տեսագրել HD ֆորմատով։ Droid RAZR-ը կաշխատի չորրորդ սերնդի ցանցերում:

Ինչպես Motorola-ի մյուս սարքավորումները, Droid RAZR-ը կօգտագործվի Android օպերացիոն համակարգով։

Սմարթֆոնը ԱՄՆ-ու կվաճառվի հեռախոսային օպերատոր Verizon-ի հետ պայմանագրով։ Երբ կսկսիվի հեռախոսի արտահանումը, դեռ հայտնի չէ։

Աղբյուր: Tert.am

Nokia-ն թողարկում է Symbian Belle համակարգով աշխատող նոր սմարթֆոն՝ Nokia 603-ը

AMzone — Thu, 13 Oct 2011 17:24:38 +0000

Ֆիննական Nokia ընկերությոնը ներկայացրել է իր նոր սմարթֆոնը՝ Nokia 603-ը, որն աշխատելու է Nokia-ի Symbian Belle օպերացիոն համակարգով և ունի 3,5 դյույմ էկրան, հայտնում է Nokia-ի պաշտոնական բլոգը։

Symbian Belle –ի ինտերֆեյսը ժամանակակից է, որն առաջարկում է 6 աշխատանքային սեղան։ Սմարթֆոնը հագեցած է 1 GHz պրոցեսորով և 7 ժամ խոսելաժամանակով։ Այն կշռում է 106.9 գրամ, ունի Bluetooth 3.0, WiFi ցանցին միանալու հնարավորություն և առաջարկում է մինչև 16 միլիոն գունային գամմա։

Nokia 603-ն ունի ետևի 5 մեգապիքսել ֆոտոխցիկ թվային zoom-ում։ Այն հանդիսանում է Nokia-ի արտադրած 7-րդ հեռախոսը, որն ունի NFC տեխնոլոգիա (near-field communications)։ Հեռախոսը թողարկվելու է սև և սպիտակ, սակայն ունենալու է նաև 6 գույնի ալտերնատիվ պատյաններ։

Հեռախոսը նախատեսվում է վաճառքի հանել 2011-ի 4-րդ եռամսյակում և ենթադրվում է, որ այն կարժենա մոտ 200 եվրո։

Աղբյուր: PanARMENIAN.Net

Այն, ինչ չէր լինի Ջոբսի օրոք. նոր iPhone-ի ցուցադրությունից հետո Apple-ի բաժնետոմսերի գինն ընկել է(տեսանյութ)

AMzone — Wed, 05 Oct 2011 13:18:21 +0000

Կենցաղային էլեկտրոնիկայի և համակարգչային տեխնիկայի ամերիկյան արտադրողի` Apple-ի բաժնետոմսերի գինը երկար սպասված նոր սմարթֆոնի շնորհանդեսից անմիջապես հետո նվազել է գրեթե 5%-ով:

Վերլուծաբանները կարծում են, որ գնանկումը պայմանավորված է Apple-ի երկրպագուների և ներդրողների հիասթափությամբ, որոնք նոր մոդելից սպասում էին ավելի ռադիկալ փոփոխություններ:

Հակառակ սպասելիքների` հասարակությանը ցուցադրվեց ոչ թե բոլորովին նոր iPhone 5, այլ ընդամենը iPhone 4S-ը` նախորդի արդիականացված տարբերակը:

Սակայն, որոշ ժամանակ անց, գները կրկին բարձրացան` վերականգնելով կորստի մեծ մասը:

Նոր մոդելի շնորհանդեսն առաջինն էր, որն իրականացրեց նոր գործադիր տնօրեն Թիմ Կուկը: Հիշեցնենք, որ Apple-ի հիմնադիր Սթիվ Ջոբսը գործադիր տնօրենի լիազորությունները վայր էր դրել այս ամառ հիվանդության պատճառով: Այս մասին հաղորդում է AP գործակալությունը:

Աղբյուր: Tert.am

Nokia 9 սմարթֆոնի գինն արդեն հայտնի է

AMzone — Mon, 25 Jul 2011 20:31:56 +0000

Nokia ընկերությունը հայտարարել է Nokia 9 սմարթֆոնի վաճառքի մոտավոր ժամկետները։ Հեռախոսը կհայտնվի Nokia-ի տարբեր խանութներում այս տարվա երրորդ եռամսյակում, այս մասին գրում է Lenta.ru-ն։

Սարքավորման արժեքը 16 գիգաբայթ ներքին հիշողության տարբերակի համար կկազմի 23 990 ռուբլի, իսկ 64 գիգաբայթ հիշողությամբ սարքավորման արժեքը կկազմի 25 990 ռուբլի։ Nokia-ի կայքում կսկսեն սարքավորման նախնական պատվերների ստացումը։

Nokia 9-ը Nokia-ի առաջին սմարթֆոնն է MeeGo հարթակում, հիմնված Linux օպերացիոն համարգի վրա։ MeeGo-ի մշակման գործում մասնակցություն են ցուցաբերել Nokia եւ Intel ընկերությունները։ Սարքավորումը կօգտագործի գիգահերցանոց պրոցեսոր եւ ունի 3,9 դյույմանոց էկրան, Wi-Fi եւ GPS համակարգերով եւ NFC (Near Field Communication- Մոտակա հաղորդակցման ռադիոկապ) չիպով:

Աղբյուր: NEWS.am

HTC սմարթֆոններն` այժմ առավել մատչելի

AMzone — Fri, 22 Jul 2011 12:31:44 +0000

Ուրախ ենք տեղեկացնել, որ HTC Desire Z, HTC Desire, HTC Legend, HTC Gratia և HTC Wildfire սմարթֆոնները ՎիվաՍել-ՄՏՍ-ի սպասարկման կենտրոններում այժմ կարելի է ձեռք բերել առավել մատչելի գներով:

HTC սմարթֆոնների սակագներ

Սմարթֆոն	Նախկին գին	Նոր գին
HTC Desire Z	285000 դրամ	220000 դրամ
HTC Desire	265000 դրամ	200000 դրամ
HTC Legend	235000 դրամ	190000 դրամ
HTC Gratia	195000 դրամ	165000 դրամ
HTC Wildfire	155000 դրամ	135000 դրամ

Ձեռք բերելով հեռախոսը ՎիվաՍել-ՄՏՍ-ի սպասարկման կենտրոններից` կարող եք մասնակցել «Սմարթ բոնուս» ծրագրին և ստանալ սմարթֆոնի արժեքի 50 տոկոսի չափով բոնուս:

Ապառիկ գնելու դեպքում ևս կգործեն նոր` առավել մատչելի պայմաններ.

Կանխավճար		0 դրամ
Ամսավճար
	12 ամիս	18 ամիս	24 ամիս
HTC Desire Z	20170 դրամ	14037 դրամ	10983 դրամ
HTC Desire	18336 դրամ	12761 դրամ	9985 դրամ
HTC Legend	17419 դրամ	12123 դրամ	9486 դրամ
HTC Gratia	15127 դրամ	10528 դրամ	8237 դրամ
HTC Wildfire	12377 դրամ	8614 դրամ	6740 դրամ

Բոլոր գները ներառում են ԱԱՀ:

HTC սմարթֆոններն արդեն հայերեն են «հասկանում»

AMzone — Tue, 19 Jul 2011 09:47:17 +0000

Orange Care-ը տեղեկացնում է, որ այսուհետ կարելի է HTC Desire HD և Desire Z սմարթֆոններով կարդալ նաև ինտերնետային հայերեն էջեր, ինչը նախկինում անհնար էր: Դեռևս մի քանի ամիս առաջ, ականջալուր լինելով իր բաժանորդների անհանգստություններին` Orange-ը դիմել էր իր պաշտոնական գործընկեր HTC ընկերությանը` խնդրին լուծում տալու խնդրանքով, որի արդյունքում այսօր արդեն երկու սմարթֆոններ «հասկանում են» հայերեն տեքստերը:

Այն բաժանորդները, ովքեր արդեն HTC Desire HD կամ Desire Z են գնել ընկերության խանութներում, կարող են Orange Care անկյուններում ստանալ բոլոր համապատասխան թարմացումները և վայելել Android օպերացիոն համակարգի հնարավորությունները` զրկված չլինելով հայերեն էջերից: Հայերեն տառերը կարդալու համար ավելի “գիտակ” բաժանորդները կարող են նաև ինքնուրույն կատարել անհրաժեշտ թարմացումը` բեռնելով Android օպերացիոն համակարգի 2.3.3 տարբերակը:

Orange-ը շարունակելու է HTC սմարթֆոնների և Android օպերացիոն համակարգով աշխատող այլ սարքավորումների կողմից հայերեն տառերի ճանաչմանն ուղղված ջանքերը` նպատակ ունենալով ներառել հնարավոր բոլոր մոդելները:

iPhone 5-ը կթողարկվի աշնան սկզբին

AMzone — Mon, 11 Jul 2011 08:41:07 +0000

Apple ընկերությունը հաստատել է, որ հերթական սմարթֆոնը` iPhone 5-ը վաճառքի կհանի աշնան սկզբին:

Ինչպես հաղորդում է Wall Street Journal-ը, կա ենթադրություն, որ iPhone 5-ը շատ քիչ է տարբերվելու iPhone 4-ից, գուցե միայն ինչ-որ նոր գործառույթներով, ինչպես դա եղավ iPhone 3G-ի եւ iPhone 3GS-ի դեպքում: Բայց եթե այդ հեռախոսները վաճառվել են տասնյակ միլիոն օրինակով, ապա iPhone 5-ը դժվար թե դա կրկնի: Ճիշտ է, iPad 2-ը, որը նույնպես նման է առաջին iPad-ին, մեծ հաջողություն ունի աշխարհի բոլոր երկրներում, բայց infox.ru-ի չճշտված տվյալներով, ընկերությունը մշակում է մոդիֆիկացված iPad 2, որը կոչվելու է iPad HD կամ iPad 2 Plus:

Սա չպետք է շփոթել երրորդ սերնդի պլանշետի հետ, որը կոչվելու է iPad 3:

Աղբյուր: NEWS.am

Samsung GALAXY S II

AMzone — Fri, 24 Jun 2011 19:19:00 +0000

Մի սահմանափակեք Ձեզ: Մոռացեք երեկվա տեխնոլոգիայի սահմանափակումներն ու զգացեք ապագայի ազատությունը բջջային կապի էվոլյուցիայի հաջորդ աստիճանի` նոր սերնդի Samsung GALAXY S II սմարթֆոնի հետ: Տարվա ամենասպասված ու հզորագույն հեռախոսն արդեն կարելի է ձեռք բերել ՎիվաՍել-ՄՏՍ-ի սպասարկման կենտրոններում:

Samsung GALAXY S II-ը գործում է նորագույն ու գերարագ Android 2.3 Gingerbread օպերացիոն համակարգով, իսկ Dual Core պրոցեսորի շնորհիվ այն ապահովում է նախկինում անհասանելի արագություն ու ֆունկցիոնալություն: Դիտման անգերազանցելի որակի համար սմարթֆոնը պարտական է նորագույն` 4.3” չափի Super AMOLED Plus էկրանին: Եվ վերջապես, ոճային դիզայնն ու գերբարակ իրանն ամբողջացնում են Samsung GALAXY S II-ի ֆուտուրիստական կերպարը:

Սմարթֆոնն արժե 320000 դրամ, իսկ ՎիվաՍել-ՄՏՍ-ի և «Յունիբանկի» համագործակցության շրջանակներում այն կարելի է ձեռք բերել ապառիկ` հետևյալ պայմաններով.

Կանխավճար	0 դրամ
Ամսական վճար
12 ամիս	29 337 դրամ
18 ամիս	20 417 դրամ
24 ամիս	15 975 դրամ

Nokia Սմարթֆոնները WP7 համակարգով առաջինը դուրս կգան Հարավային Եվրոպայում

AMzone — Sat, 18 Jun 2011 10:30:50 +0000

Առաջին շուկան, որտեղ կվաճառվի Nokia Սմարթֆոններ WP7 համակարգով, դա կլինի Հարավային Եվրոպան:

Այդ մասին ասվում է WMPU բլոգում, հղում անելով Nokia ընկերության գլխավոր տնորեն Victor Saeijs -ի խոսքերին:

Victor Saeijs-ի խոսքերով Սմարթֆոնների վաճառքը կսկսվի 2011-ի հոկտեմբեր, դեկտեմբեր ամիսներին:

Սմարթֆոնները կաշխատեն Windows Phone 7.1 Mango օպերացիոն համակարգով, որը մայիս ամսին էր ցուցադրվել:

Victor Saeijs նաև ասաց, որ հեռախոսի նախնական տարբերակը արդեն կա, և 1-ը հենց ինքը կրում է իր մոտ, բայց ընկերության կանոնների համաձան չի կարող այն ցույց տալ:

ITArmenia.NET