ITArmenia.NET » Ձեռքի Համակարգիչ

Գերմանիայի դատարանը ընդունել է, որ Samsung-ի պլանշետը iPad-ի հետ նմանություններ չունի

AMzone — Sun, 25 Dec 2011 16:07:23 +0000

Գերմանիայի դատարանը, որը վերանայում է Samsung և Apple դատական հայցը, լսումներից հետո հայտարարել է, որ Galaxy Tab 10.1N պլանշետի դիզայնը, որը հարավկորեական ընկերությունը թողարկել էր ամերիկացի մրցակցի կողմից iPad պլանշետի շնորհանդեսից հետո, կարողացել է իր դիզայնով բավականին տարբերվել iPad-ից: Սա նշանակում է, որ Apple-ը ամենայն հավանականությամբ չի կարողանա հասնել նրան, որ արգելք դնի Samsung-ի նոր պլանշետի վրա:

Ինչպես հայտնում է Bloomberg-ը, Galaxy Tab 10.1N-ը Galaxy Tab 10.1 պլանշետի ձևափոխված տարբերակն է, որի վաճառքը Գերմանիայի տարածքում արգելվել էր` կապված Apple-ի ներկայացրած հայցի հետ, որում նա հարավկորեական ընկերությանը մեղադրում էր iPhone սմարթֆոնների և iPad պլանշետների տեխնոլոգիաների դիզայնի կրկնօրինակման մեջ:

Դատավոր Յոհան Բրյուկներ-Հոֆմանի խոսքերով, Samsung-ին հաջողվել է իր ապրանքն ազատել iPad-ի կրկնօրինակի պիտակից:

Աղբյուր: 1in.am

Google-ը և Samsung-ը պաշտոնապես ներկայացրեցին «գուգլոֆոնը» (տեսանյութ)

AMzone — Wed, 19 Oct 2011 18:25:43 +0000

Google-ը և Samsung–ը հոկտեմբերի 19–ին Հոնգկոնգում կայացած շնորհանդեսում ներկայացրել են Galaxy Nexus սմարթֆոնը, որն աշխատում է Android Ice Cream Sandwich գործառնական համակարգի հիման վրա, հայտնում է CNet News–ը։

Galaxy Nexus–ն աշխատում է 1,2 գիգահերց հաճախականություն ունեցող Cortex A9 երկմիջուկ պրոցեսորով և համալրված է 4,65 դյույմանոց և 1280x720 փիքսել կետայնությամբ Super AMOLED էկրանով, երկու ֆոտոխցիկներով (5 և 1,3 մեգափիքսել), 1 գբ օպերատիվ հիշողությամբ և տվյալների պահպանման 32 գիգաբայթանոց կրիչով։ Galaxy Nexus–ը կշռում է 135 գ, ունի 8,94 մմ հաստություն։

Android–ի նոր տարբերակը նախորդներից տարբերվում է նրանով, որ կարող է օգտագործվել ինչպես սմարթֆոններում, այնպես էլ՝ պլանշետային համակարգիչներում։

Նոր սմարթֆոնում Ice Cream Sandwich–ը թույլ է տալիս արգելաբացել էկրանը դեմքեր ճանաչելու տեխնոլոգիայի միջոցով, ինչպես նաև ներառում է Android Beam կոչվող NFC–ծառայությունը (Near Field Communication-մոտակա դաշտի հաղորդակցություն), որի միջոցով մեկ սեղմումով երկու «գուգլոֆոններ» կարող են փոխանակել տեսահոլովակներ և ծրագրային հավելվածներ։

Galaxy Nexus–ը նոյեմբերի սկզբին կսկի վաճառվել ԱՄՆ–ում, Եվրոպայում և ասիական երկրներում։ Սարքի գինն առայժմ չի հրապարակվել։

Boogie Board գրելու պլանշետը ծառայում է որպես թուղթ ու գրիչ

AMzone — Sat, 11 Jun 2011 11:43:43 +0000

Boogie Board-ը գրելու համար նախատեսված պլանշետ է, այլ կերպ ասած ծառայում է որպես թուղթ ու գրիչ, կամ գրատախտակ ու կավիճ։ Այս մասին հաղորդում է Gadjet Lab-ը։

Այն արժե ընդամենը 60 դոլար։ Նրանում հնարավոր չէ աշխատացնել որևէ ծրագիր։ Այն հարմար է օրինակ սառնարանից կախելու և նշումներ անելու համար։ Boogie Board- գլխամասի աջ և ձախ մասերում կան հատուկ անցքեր, որոնք նախատեսված են կախելու համար։

Ցանկացած գրություն անելիս տպավորություն է ստեղծվում, թե գրիչով է գրված, իսկ նկարելիս՝ կավիճով։ Յուրաքանչյուր գրություն կարելի է ջնջել հատուկ կոճակի օգնությամբ։

Boogie Board-ը թեթև է, բարակ և լայնեկրան։

Աղբյուր: PanARMENIAN.Net

Toshiba-ի Thrive պլանշետը հասանելի կլինի 5 գույնով

AMzone — Sat, 11 Jun 2011 11:37:08 +0000

Toshiba-ի Thrive պլանշետը կունենա ամբողջապես նոր դիզայն, ըստ Fast Company-իի։ Այն գալիս է 5 գույնով՝ կանաչ, վարդագույն և կապույտի 3 երանգ։

«Որոշ մարդիկ մտածում են, որ պլանշետներն ընդամենը մեծ էկրան են, բայց Toshiba-ն նպատակ է դրել պլանշետի մեջ ներառել լապտոպների բոլոր հատկանիշները։ Thrive պլանշետն ունի SD-card reader, USB 2.0 և մինի USB մուտք և փոխվող մարտկոց»,- ասել է Fast Company-ին Toshiba-ի թվային արտադրանքների բաժնից Քերի Քոուանը-ը։

Այն կշռում է մոտ 725 գրամ, 10.1 էկրանի լայնությանբ, այն ծանր է և հաստ պլանշետի համար։ Thrive-ի դիզայնը մշակել է Toshiba-ի դիզայն թիմը Տոկիոյում։ Վերջիններս պատասխանատու են Toshiba-ի բոլոր արտադրանքների դիզայնի համար։

«Մենք միանշանակ ամենաբարակ և թեթև պլանշետը չենք, մենք կենտրոնացած ենք օգտակարության շուրջ»,-համաձայնել է Քերի Քոուան-ը։

Thrive պլանշետի վաճառքը կսկսվի հուլիսին։ 8GB Thrive-ը կվաճառվի 430 դոլար, 16GB-ը՝ 450 դոլար և 32 GB-ը՝ 580 դոլար։

Աղբյուր: PanARMENIAN.Net

Acer-ի երկու «թաչսքրիններով» նոթբուկը

AMzone — Fri, 27 May 2011 22:40:22 +0000

Acer ընկերությունն արդեն պատվերներ է ընդունում Iconia-6120 Touchbook նորարարական դիզայնով նոթբուկի համար: 2.8 կիլոգրամ կշռող այս նոթբուկը զինված է 14 դյույմ անկյունագծով երկու սենսորային էկրաններով, որոնք դիոդային լուսավորություն ունեն և պաշտպանված են քերվածքներից ու վնասվածքներից Gorilla Glass կոչվող հատուկ ապակիներով:

Նոթբուկն աշխատում է Windows 7 Home Premium ՕՀ-ով և, ի թիվս այլոց, ունի.

Intel Core i5 պրոցեսոր
4 Գբ օպերատիվ հիշողություն
Intel HD Graphics ինտեգրացված գրաֆիկա
Մինչև 640 Գբ հիշողություն
USB 3.0, USB 2.0, HDMI և D-Sub ինտերֆեյսներ

Նոթբուկի զանգավածային վաճառքը սկսվելու է այս տարվա ապրիլին: Նախնական գինը $1200 է:

Աղբյուր: «ԴԱՐ» Ակումբ

Amazon կթողարկի Quad պրոցեսորով պլանշետներ:

AMzone — Tue, 17 May 2011 12:10:56 +0000

Ինչպես հայտնում է bgr.com, Amazon կթողարկի 2 պլանշետ, որոնցից մեկը համալրված կլինի Nvidia Tegra 2 պրոցեսորով, իսկ մյուսը Nvidia Tegra 3 պրոցեսորով: Առաջի տարբերակը ստացել է "Coyote" անվանումը, իսկ երկրորդը "Hollywood" անվանում:

Արդեն ապրիլին էր հայտնի դարձել այն լուրը, որ Amazon ընկերությունը պատրաստվում է թողարկել բրենդային պլանշետներ, որի արտադրությունը իրականացնելու է Samsung ընկերությունը: Պլանշետների վաճառքը ամենայն հավանականությամբ կլինի 2011 թվականի երկրորդ կեսից հետո, պլանշետները կաշխատեն Android օպերացիոն համակարգով:

Motorola XOOM-ի գինը պաշտոնապես հաստատված է:

AMzone — Sat, 19 Feb 2011 15:08:27 +0000

Motorola-ի գլխավոր տնօրենը հայտնել է,որ XOOM-ի 3G տարբերակը իսկապես կհայտնվի ամերիկյան շուկայում 799$ գնով, իսկ միայն wi-fi ունեցող տարբերակը 599$-ով: Motorola-ի գործընկերը XOOM-ի տարածման գործում կհանդիսանա Verizon Wireless ընկերությունը: Motorola-ի տնօրենը նաև հույս ունի պատրաստել սեփական ծրագրերի խանութ XOOM-ի համար` պահպանելով շուկայում Android օպերացիոն համակարգի 3-4 այլընտրանքային տարբերակներ: