ITArmenia.NET » Գիտություն

Ճապոնական սուպերհամակարգիչը գերազանցել է վայրկյանում հաշվարկների արագության իր իսկ ռեկորդը

AMzone — Wed, 02 Nov 2011 20:02:18 +0000

Ճապոնական Riken պետական գիտահետազոտական ինստիտուտի «K» սուպերհամակարգիչը, որը ստեղծվել է Fujitsu-ի մասնակցությամբ, գերազանցել է արագագործության իր իսկ ռեկորդը: Այն հասել է 10,51 պետաֆլոպս վայրկյանում:

Ինչպես հաղորդում է «ԻՏԱՌ-ՏԱՍՍ»-ը, համակարգիչը զբաղեցնում է 864 շինություն եւ կազմված է 88 հազար պրոցեսորներից:

Նշենք, որ նախորդ համաշխարհային ռեկորդը (8,16 պետաֆլոպս) նույնպես պատկանում է «K» համակարգչին:

Աղբյուր: NEWS.am

Նոբելյան ամենահեղինակավոր մրցանակը բաժին հասավ տիեզերքի գաղտնիքները բացահայտողներին

AMzone — Wed, 05 Oct 2011 13:43:52 +0000

Ֆիզիկայի բնագավառում 2011թ. Նոբելյան մրցանակը շնորհվել է ամերիկացի գիտնականներ Սոլ Պերլմուտերին, Ադամ Ռիեսին, ավստարալացի Բրայան Շմիդտին՝ «տիզերքի՝ արագացող ընդարձակումը» հայտնագործելու համար։

1998թ. գիտնականները հայտնաբերել էին, որ Տիեզերքի ընդարձակման արագությունը ժամանակի ընթացքում մեծանում է։ Նրանց հաշվարկներով՝ այդ գործընթացը սկսվել է մոտ 5 մլրդ տարի առաջ։ Հաստատել, որ տիեզերքի ընարձակումն արագանում է, հնարավոր է դարձել Ia տեսակի գերնոր աստղերի շնորհիվ, որոնք առաջանում են կրկնակի աստղային համակարգերում, երբ սպիտակ գաճաճը կլանում է ընկերակից աստղի մատերիան:

Այդ աստղերը չափազանց պայծառ են և պայթում են այն ժամանակ, երբ սպիտակ գաճաճի կշիռը հասնում է Չանդրասեկարի սահմանին: Ենթադրվում է, որ նույն պայծառությունն ունեցող գերնոր աստղերը պետք է որ Երկրից հավասար հեռավորության վրա գտնվեն: Սակայն 1990-ականներին գիտնականները պարզեցի, որ հեռավոր գալակտիկաներում Ia տեսակի գերնոր աստղերը ավելի քիչ պայծառություն ունեն, քան ենթադրվում էր, ինչը նշանակում էր, որ նրանց հեռավորությունը ավելի մեծ է, քան նախապես ենթադրվում էր: Այս բացահայտման հիման վրա գիտնականները եզրակացրեցին, որ տիեզերքն ավելի արագ է ընդարձակվում։

Երեկ Ստոկհոլմում մեկնարկեց «Նոբելյան շաբաթը»։ Ավանդույթի համաձայն՝ առաջինը հայտնի դարձավ ֆիզիոլոգիայի և բժշկության ոլորտում Նոբելյան 2011թ. մրցանակակրի անունը։ Նոբելյան կոմիտեն այս տարի այդ մրցանակը «կիսեց» Բրյուս Բոյթլերի, Ժյուլյու Հոֆմանի և Ռալֆ Շտայմանի միջև։ Բրյուս Բոյթլերն ու Ժյուլյու Հոֆմանն այդ մրցանակին արաժանացան իմունիտետի բնագավառում իրենց հայտնագործության համար, իսկ Բոյթլերը՝ իմունիտետ ձեռք բերելու հարցում դենդրիտային բջջիջների դերի մասին հայտնագործության համար։

Չորեքշաբթի կհրապարակվի քիմիայի բնագավառում Նոբելյան դափնեկրի անունը, գրականության ասպարեզում Նոբելյան մրցանակը կհանձնվի հինգշաբթի, իսկ ուրբաթ կհրապարակվի Խաղաղության նոբելյան մրցանակակրի անունը։

Նոբելյան 2011թ. մրցանակաբաշխությունը կավարտվի հաջորդ երկուշաբթի՝ այդ օրը հայտնի կդառնա տնտեսության ոլորտում Նոբելյան մրցանակակրի անունը։

Դափնեկիրներն իրենց մրցանակները (յուրաքանչյուր ասպարեզում՝ 1,5 մլն դոլար), կստանան միայն դեկտեմբերի 10–ին։

Աղբյուր: Tert.am

Գիտնականները հայտնաբերել են մահից առաջ «թունելի վերջին հայտնվող լույսի» գաղտնիքը

AMzone — Mon, 12 Sep 2011 10:19:15 +0000

Գերմանացի գիտնական Ալեքսանդր Վուտցլերն առաջ է քաշել միանգամայն նոր ունիկալ վարկած, որը բացատրում է կլինիկական մահ տարած մարդկանց մոտ մութ թունելի վերջում սպիտակ լույսի ի հայտ գալու երեւույթը:

Տեսությունը հիմնված է առնետների վրա արած փորձերի վրա: Այդ կրծողների ուղեղում նրանց մահից հետո հայտնաբերվել է սերոտոնինի մեծ քանակություն: Դա հորմոն է, որը պատասխանատու է մարդու եւ կենդանի օրգանիզմների ամենակարեւոր գործընթացների համար: Դա բթացնում է ցավը, իսկ մարդկանց թույլ է տալիս հաճույք եւ երջանկություն զգալ: Այդ պատճառով էլ սերոտոնինն անվանում է «երջանկության հորմոն»:

Գիտնականը սերոտոնինի վրա է դրել մահվան նախաշեմին ի հայտ եկող տեսիլքի «պատասխանատվությունը»: Միայն թե խոսել այն մասին, որ առնետները զգացմունքներ եւ մահից առաջ տեսիլքներ են ունենում, ճիշտ չի լինի, հաղորդում է Worldru.ru-ն:

Աղբյուր: NEWS.am

SMS-ֆլիրտը՝ ինտիմ հարաբերությունների ճգնաժամից դուրս գալու նոր միջոց

AMzone — Sun, 04 Sep 2011 08:06:30 +0000

Ամերիկյան «Սեքսուալություն և մշակույթ» ամսագրի վերջին համարում հրապարակվել է ամերիկացի գիտնականների վերջերս անցկացրած ուսումնասիրության արդյունքները, որի համաձայն 3 կանանցից երկուսն իր զուգընկերոջը սեքսուալ բնույթի SMS–է ուղարկում։ Ուսումնասիրությունը ցույց է տվել նաև, որ տղամարդիկ «ավելի զուսպ են», իսկ վերոնշյալ ձևով իր զգացմունքն արտահայտում է տղամարդկանց 50 տոկոսը միայն։

Ինչպես գրում է Tata.ru կայքը, «Թույլ տուր՝ մատներս խոսեն» անունը կրող ուսումնասիրությանը 5000 տղամարդ և կին է մասնակցել։

Գիտնականները պարզել են, թե կանայք այդ առումով ինչու են այդքան ակտիվ. պարզվել է, որ հարցը սեքսուալ ցանկության բնույթի մեջ է։ Հայտնի է, որ տղամարդիկ աչքերով են սիրում, իսկ կանայք՝ ականջներով. այսինքն, տղամարդկանց գրգռում են վիզուալ էրոտիկ պատկերները (օրինակ, էրոտիկ ֆոտոներով mms–ները), իսկ կանանց՝ երևակայությունը։ Այնպես որ, էրոտիկ բովանդակությամբ տեքստերը, որոնք կանայք ուղարկում են տղամարդկանց, և այն պատասխանները, որոնք նրանք ստանում են, էրոտիկ պատկերներ է ստեղծում կանանց մոտ։

Հոգեբանները, վերոնշյալ ուսումնասիրությունից ելնելով, այն զույգերին, որոնց սեքսուալ կյանքը «առօրյա գործի է» վերածվել, խորհուրդ են տալիս ավելի հաճախ կիրառել վերոնշյալ «SMS թերապիան»։ Նրանց կարծիքով՝ ֆլիրտի այդ նոր տեխնիկան կարող է պարզապես հրաշքներ գործել նույնիսկ «ամենահոգնած զուգընկերների» հետ։

Աղբյուր: Tert.am

Ինչից է պատրաստ հրաժարվել մարդը հանուն իր սմարթֆոնի

AMzone — Fri, 12 Aug 2011 18:32:20 +0000

«Մեր կապվածությունը ինտերնետին վերածվել է իսկական կախվածության։ Եվ, մի քանի հարցումների թարմ տվյալներով, այն (կախվածությունը) ուժեղ է»,- գրում է Շան Լին Los Angeles Times-ի բլոգում։

Այսպես, համաձայն վերջերս TeleNav տեխնոլոգիական ընկերության անցկացրած հարցման՝ ամերիկացիների կեսից ավելին պատրաստ է մեկ շաբաթով հրաժարվել շոկոլադից, ալկոհոլից և սուրճից, քան հեռախոսից։

Հարցվածների մեկ երրորդը կհրաժարվեր սեքսից, 22%-ը՝ ատամի խոզանակից, 21%-ը՝ դուրս կգար տնից առանց կոշիկների, քան առանց բջջային հեռախոսի։ Հարցվածների 66%-ը քնում է իրենց սմարթֆոնների հետ։

Ավելի վաղ բրիտանական Intersperience ընկերության անցկացրած մեկ այլ հարցման համաձայն՝ մեր կախվածությունն այնքան ուժեղ է, որ մարդիկ առանց ինտերնետի անցկացրած օրերը համեմատում են ալկոհոլից կամ խմիչքից բաժանվելու հետ։

Իսկ Մերիլենդի համալսարանի անցկացրած հարցման համաձայն՝ինտերնետից և ԶԼՄ-ներից կտրված ուսանողների մոտ անգամ նկատվում են աբստինենտային համախտանիշի նշաններ։

Աղբյուր: Tert.am

Հայտնաբերվել է Երկրի ջրային պաշարները 140 տրիլիոն ագնամ գերազանցող օվկիանոս

AMzone — Sun, 24 Jul 2011 12:32:46 +0000

Ֆրանսիացի աստղագետների հայտնաբերած ու այս պահի դրությամբ երկիր մոլորակից ամենահեռու համարվող օվկիանոսի ջրային պաշարները 140 տրիլիոն անգամ գերազանցում են Երկրի բոլոր ջրային պաշարները:

Ինչպես հաղորդում են NASA-ից՝ հսկայական օվկիանոսը հայտնաբերվել է 08279+5255 թիվն ունեցող կվազարի շուրջ, որը գտնվում է Երկիր մոլորակից 12 մլրդ լուսնային տարի հեռավորության վրա և հանդիսանում է Տիեզերքի էներգիայի ամենահզոր աղբյուրը: Այն ճառագայթում է 65 հազար անգամ ավելի ուժեղ էներգիա, քան մեր ողջ Գալակտիկան:

Հզոր ճառագայթումն առաջանում է հսկայածավալ սև խոռոչի կողմից մատերիայի կլանման շնորհիվ, որի զանգվածը 20 միլիարդ անգամ մեծ է, քան Արեգակինը:

Աղբյուր: Tert.am

Հայաստանում ձայնի ճանաչման տեխնոլոգիա են մշակել

AMzone — Sat, 16 Jul 2011 07:42:03 +0000

Հայաստանում ստեղծվում է ձայնի ճանաչման ծրագիր, որը հնարավորություն կտա բանավոր խոսքը հատուկ համակարգչային ծրագրի միջոցով վերածել տպագիր տեքստի։ Նման ծրագրերն արդեն մի քանի տարի է` կիրառվում են տարբեր երկրներում։

Ազդանշանների թվային մշակման (digital signal processing) մասնագետ Տիգրան Ապոզյանը NEWS.am-Ինովացիայի թղթակցի հետ զրույցում ասաց, որ ինքն արդեն շուրջ երկու տարի է` զբաղվում է այդ ծրագրի մշակմամբ։

«Հայերեն ձայնի ճանաչման տեխնոլոգիայի ծրագրի սկզբնական տարբերակն արդեն պատրաստ է, այն թեեւ փորձնական է, սակայն արդեն դրա միջոցով կարելի է ցույց տալ, որ ձայնի ճանաչման ամբողջական ծրագիրը հնարավոր է ստեղծել նաեւ հայերեն»,- ասաց Տ. Ապոզյանը։ Նշենք, որ նման ծրագրերն օգտակար են հատկապես բանավոր խոսքը տպագիրի վերածող աշխատանքներում՝ սղագրական, լրագրողական եւ այլն:

Տ. Ապոզյանի խոսքով՝ իրենք նպատակ ունեն նաեւ բանավոր խոսքը տպագիր տեքստի վերածելուց բացի, ծրագրում ներառել նաեւ հակառակ պրոցեսը։

«Եթե միջոցներ լինեն, ապա մենք կկարողնանք նաեւ հակառակ պրոցեսն ապահովել՝ տպագիր տեքստը բանավորի վերածող ծրագիր ստեղծել»,-ասաց Տ. Ապոզյանը։ Ըստ մասնագետի՝ ծրագրերի ամբողջական մշակման համար անհրաժեշտ կլինի 2 տարի եւ 20-25 հազ դոլար, որպեսզի հնարավոր լինի 3-4 մասնագետի աշխատավարձ տալ եւ ծրագիրն ավարտին հասցնել:

Տ. Ապոզյանը նշեց նաեւ, որ արդեն մի ընկերություն հետաքրքրված է ծրագրի ֆինանսավորմամբ, թեեւ որեւէ պայմանագիր դեռեւս չեն կնքել։

Աղբյուր: NEWS.am

Թռչող մեքենան արդեն իրականություն է

AMzone — Tue, 12 Jul 2011 19:49:16 +0000

ԱՄՆ տրանսպորտի նախարարությունը թույլատրել է Terrafugia Transition անվանմամբ թռչող մեքենաների օգտագործումը երկրի ավտոճանապարհներին:

Մեքենան կարող է թռչել, ինչպես թեթեւ ինքնաթիռ, իսկ ավտոճանապարհով երթեւեկել՝ միայն թեւերը ծալելուց հետո:

Terrafugia Transition-ի միջին արագությունը 185 կմ/ժ է: Դրա մոտավոր արժեքը կլինի 200 հազար դոլար:

Աղբյուր: Top-news.am

Բացվել է առաջին գիշերային արևային էլեկտրակայանը

AMzone — Tue, 14 Jun 2011 15:44:06 +0000

Torresol Energy ընկերությունը գործարկել է Gemasolar Power Plant էլեկտրակայանը, որը նախկինում հայտնի էր Solar Tres Power Tower անվամբ:

Այս մասին դեռ խոսվել էր, երբ այս նախագիծը գտնվում էր մշակման փուլում, բայց այժմ իսպանացիները, համախմբվելով մի քանի այլ ընկերությունների հետ, ներկայացրել են այս նախագիծի վերջնական տարբերակը:

Կայանի առավելագույն հզորությունը 19,9 մեգավատտ է և այն տարեկան պետք է արտադրի 110 գեգավատտ-ժամ էներգիա:

Ինչպես նշել է Mail Online-ը, Gemasolar-ը երաշխավորում է տարվա ընթացքում ավելի քան 270 օր էլեկտրաէներգիա արտադրել:

Այն մոտավորապես երեք անգամ ավելի շատ է, համեմատած այլ այլընտրանքային էներգետիկայի համալիրների, որոնք ունեն էներգիայի աղբյուրի անկայունություն:

Այս կայանը կուտակելով էներգիան ունակ է Արևի մայր մտնելուց հետո դեռ 15 ժամվա ընթաքում համալիրն ապահովվել էլեկտրաէնեգիայով:

Աղբյուր: akarmazyan.com

Toyota ընկերությունը ստեղծում է սոցիալական ցանց ավտոմեքենաների համար:

AMzone — Mon, 23 May 2011 14:05:18 +0000

Toyota ընկերությունը պատրաստվում է ստեղծել սոցիալական ցանց ավտոմեքենաների համար, որը կկոչվի Toyota Friend ("Տոյոտայի ընկեր"), որը թույլ կտա շփվել ավտոմեքենաներին, ինչպես նաև 2012 թվ. սոցիալական ցանցում կկարողանան գրանցվել Toyota ավտմեքենաների տերերին: Սոցիալական ցանցը ավտոմեքենաների տերերին տեղեկություն կկարողանա ուղարեկլ, իր տեխնիկական կարիքների մասին, օրինակ՛ (մարդկոցի էներգիայի վերալիցքավորման մասին), այդ տեղեկությունները հնարավոություն կլինի տեսնել սոց. ցանցի էջում:

Toyota ընկերությունը 2012 թվ. արդեն պատրաստվում է, իր ավտոմեքենաների վրա տեղադրել հատուկ էլեկտրական մուլտիմեդիոն համակարգեր, որոնք աշխատելու են Windows Azure օպերացիոն համակարգով:

Աղբյուր: Lenta.ru